Shtetet e Bashkuara do të largohen nga NATO nëse shtetet aleate nuk kontribuojnë më shumë financiarisht tha Donald Trump në një intervistë për NBC News, pjesë të së cilës u transmetuan të dielën (8 dhjetor).
"Nëse ata paguajnë faturat e tyre dhe na trajtojnë me drejtësi, përgjigja është absolute: unë do të qëndroj në NATO në të kundërt SHBA do të largohet nga Aleanca Atlantike’ u shpreh Trump.
Më pak para për Ukrainën
Donald Trump tha gjithashtu se Ukraina duhet "ndoshta" të presë më pak ndihmë nga Shtetet e Bashkuara pas kthimit të tij në pushtet, megjithëse intervista e transmetuar të dielën, ishte regjistruar para takimit të tij të shtunën (7 dhjetor) në Paris me presidentin ukrainas Volodymyr Zelensky. “Po, ndoshta, sigurisht”, u përgjigj presidenti i SHBA-së kur u pyet nëse Ukraina duhet të përgatitet për një reduktim të ndihmës amerikane kur të marrë detyrën më 20 janar, përpara se të përsëriste se po përpiqej t'i jepte fund konfliktit me Rusinë.
Nuk ka më shtetësi për ata që kanë lindur në SHBA
Duke iu referuar emigracionit, Trump tha se qëllimi i tij është të dëbojë të gjithë emigrantët që ndodhen në tokën amerikane ilegalisht gjatë mandatit të tij katërvjeçar. Por ai dëshiron të ketë një marrëveshje më vonë për të ashtuquajturit "Ëndërrimtarët", për ata të rinj që prindërit e tyre i sollën në SHBA kur ishin ende fëmijë, u rritën dhe studiuan në vend.
Manjati republikan tha gjithashtu se ai synon që në ditën e tij të parë në detyrë t'i japë fund , të drejtës së kujtdo që ka lindur në SHBA për t'u bërë shtetas.
"Ju e dini nëse dikush vë këmbën, vetëm një këmbë në tokën tonë: Urime, ju jeni tani një qytetar i SHBA. Ne do ta ndalojmë sepse është qesharake," tha ai. Kur u pyet se si planifikon të shfuqizojë diçka të parashikuar në Kushtetutë, Trump nuk pranoi të përgjigjej.
Trump tha gjithashtu se nuk do të kërkojë të zëvendësojë kryetarin e Rezervës Federale, Jerome Powell, sapo të marrë detyrën.
Powell u emërua në këtë pozicion nga Trump në fillim të vitit 2018 për të zëvendësuar Janet Yellen, por më vonë nuk u pajtua me të për politikën ekonomike të Fed. Presidenti demokrat Joe Biden e mbajti Powell në atë pozicion.
Lidhur me Bashar al-Assad -in , Trump komentoi se "është e mahnitshme sepse ai qëndroi në pushtet për vite në kushte shumë më të pafavorshme dhe befas rebelët shkojnë dhe marrin pjesë të mëdha të territorit"./Versus.al
