Presidenti turk, Rexhep Tayip Erdogan, ka njoftuar qëllimin e tij për të organizuar një samit me pjesëmarrjen e presidentit rus, Vladimir Putin , presidentit ukrainas, Volodymyr Zelensky dhe presidentit të SHBA-së, Donald Trump.
Siç njoftoi ai, Turqia po përgatitet të ndërmarrë nisma të mëtejshme në këtë drejtim, me hapin tjetër që do të jetë organizimi i një takimi në nivel udhëheqësish.
Deklaratat e Erdoganit erdhën menjëherë pas përfundimit të një raundi të ri kontaktesh midis delegacioneve në Stamboll.
Presidenti turk i përshkroi bisedimet si “të shkëlqyera”.
Pavarësisht ngërçit në frontin politik, në takimin mes përfaqësuesve të Ukrainës dhe Rusisë u bë përparim në çështjet humanitare.
Të dyja palët ranë dakord për shkëmbimin e të burgosurve të luftës të plagosur rëndë, ushtarëve të moshës 18 deri në 25 vjeç, si dhe për procedurat për riatdhesimin e trupave të ushtarëve të rënë.
"Vlera më e madhe është jeta njerëzore, dhe nëse takime të tilla lejojnë kthimin edhe të disa njerëzve, atëherë ia vlen", tha një zyrtar ukrainas, duke shtuar se numri i të përfshirëve nuk është përcaktuar ende./Versus.al
