Pas sulmeve gjatë natës në Ukrainë, presidenti i SHBA-së, Donald Trump po merr në konsideratë vendosjen e sanksioneve dhe tarifave të reja ndaj Rusisë.
Në një postim, presidenti amerikan shkruan: “Bazuar në faktin se Rusia po dëmton rëndë Ukrainën në fushën e betejës tani, unë jam duke konsideruar seriozisht vendosjen e sanksioneve të gjera bankare, gjobave dhe tarifave ndaj Rusisë derisa të arrihet një armëpushim dhe marrëveshja përfundimtare e paqes”.
Trump i bëri thirrje Moskës dhe Kievit që të ulen menjëherë në tryezën e bisedimeve, duke paralajmëruar pasojat e një vonese.
“Për Rusinë dhe Ukrainën: uluni në tryezë tani, para se të jetë tepër vonë. Faleminderit!!!" ka shkruar presidenti Trump.
Forcat ruse filluan një sulm me dron kundër Odessa, një port i rëndësishëm strategjik në jug të Ukrainës, për të tretën natë radhazi, duke rezultuar në dëmtim të infrastrukturës energjetike dhe djegie të tre shtëpive, siç njoftoi të enjten në mbrëmje nga guvernatori rajonal Oleh Kiper.
“Në periferi të Odessa-s, tre shtëpi janë përfshirë nga flakët dhe infrastruktura energjetike është dëmtuar”, tha Kiper në një postim në platformën Telegram. Nuk pati raportime për viktima./Versus.al
