Irani duhet të jetë gati “për luftë”, tha sot zëvendëspresidenti i vendit, Mohammad Reza Aref, në një deklaratë që vjen në përgjigje të kërcënimeve për ndërhyrje të mundshme ushtarake amerikane.
Sipas agjencisë së lajmeve Isna, Aref theksoi se "sot, ne duhet të jemi gati për luftë", duke sqaruar megjithatë se Republika Islamike e Iranit nuk është ajo që fillon konfliktet.
Megjithatë, ai shtoi se nëse i imponohet luftë, përgjigja do të jetë vendimtare.
Një mesazh parandalimi për Uashingtonin
Zëvendëspresidenti iranian theksoi se Irani nuk kërkon përshkallëzim ushtarak, por nuk ka ndërmend të qëndrojë pasiv përballë kërcënimeve.
"Republika Islamike e Iranit nuk fillon kurrë një luftë, por nëse i imponohet një e tillë, ajo do të mbrohet me forcë", tha ai, sipas Isna-s./Versus.al
