Teherani u zotua për hakmarrje pasi sulmet e së martës vranë dy udhëheqës të lartë. Si kundërpërgjigjie, Irani lëshoi një numër të madh raketash në Tel Aviv ku mbetën të vdekur dy persona.
Pamjet nga qyteti izraelit tregojnë ndërtesa të shembura dhe një grup të madh emergjencash civile në vendngjarje. Krahu i marrëdhënieve me publikun i Gardës Revolucionare Islamike tha se raketat Khorramshahr-4 ishin ndër ato që u përdorën në sulmet e saj "intensive" kundër Izraelit.
Nga ana tjetër ushtria amerikane ka thënë se ka goditur bazat e raketave iraniane pranë kësaj rruge ujore kritike me disa nga bombat më të fuqishme në arsenalin amerikan. Komanda Qendrore e SHBA-së njoftoi se kishte qëlluar disa bomba depërtuese të thella prej 2,268 kilogramësh në bazat e raketave iraniane të përforcuara përgjatë vijës bregdetare të Iranit pranë Ngushticës.
"Forcat amerikane përdorën me sukses municione të shumta depërtuese të thella prej 5,000 paundësh në bazat e raketave iraniane të përforcuara përgjatë vijës bregdetare të Iranit pranë Ngushticës së Hormuzit", tha Komanda Qendrore në një deklaratë për X. Versus.al
