Presidenti serb, Aleksandër Vuçiç ndërpreu vizitën në Shtetet e Bashkuara të premten pasi shfaqi probleme shëndetësore, duke detyruar anulimin e takimeve të planifikuara me zyrtarët amerikanë.
Vuçiç papritmas u sëmur të premten pasdite dhe pas konsultimit me mjekët, mori vendimin për t'u kthyer në Beograd.
Presidenti serb kishte planifikuar të takohej me disa zyrtarë të lartë të Partisë Republikane dhe gjithashtu shpresonte të shihte Presidentin e SHBA-së Donald Trump në rezidencën e tij Mar-a-Lago në Florida, raportoi gazeta Blic. Ai mbërriti në Florida të mërkurën dhe u takua me ish-kryebashkiakun e Nju Jorkut Rudy Giuliani dhe sipërmarrës serbë nga SHBA-ja.
Richard Grenell, i dërguari presidencial i SHBA-së për misione speciale, i uroi Vuçiçit gjithë të mirat në një postim në rrjetet sociale. "Më vjen keq që më mungon, por shpresoj se gjithçka është në rregull", shkroi Grenell në X. Versus.al
