Gjyqtarja Silvia Albano, një nga gjashtë magjistratët e Gjykatës së Romës që vendosi për kthimin e emigrantëve të Shëngjinit në Itali është kërcënuar me vdekje.
Gjyqtarja ka paraqitur një kallëzim në Prokurorinë e Romës.
Këtë e ka bërë të ditur Magjistratura Demokratike, ku gjyqtarja Silvia Albano është presidente që prej nëntorit të 2023-ës.
“Fushata e diskreditimit që u bë kundër magjistratëve romanë dhe në veçanti kundër Silvia Albano-s, kontribuoi në ndërtimin e një klime opozitare, urrejtjeje, e cila përfundimisht kaloi në kërcënime serioze për sigurinë dhe jetën e saj”, shkruhej në shënim.
Ditë më parë Gjykata e Romës me një vendim të saj ktheu 12 emigrantët që vinin nga Bangladeshi dhe Egjipi të cilit po qëndronin në kampin e Gjadrit në Itali. Vendimi i gjykatës lidhej me faktin se 12 emigrantët vinin nga vende të pasigurta.
“Refuzimi i i trajtimit në strukturat shqiptare të barazuara me zonat kufitare ose të transitit italian ndodhi për shkak të pamundësisë për t’i njohur si “vende të sigurta” shtetet e origjinës së personave të ndaluar”- citohej në vendimin e Gjykatës së Romës.
/Versus.al
