Emmanuel Macron shprehu "mosmiratimin shumë të fortë" të Francës dhe i bëri thirrje Bashkimit Evropian "të mbrojë me vendosmëri interesat evropiane" pas njoftimit të Donald Trump për të vendosur tarifa doganore prej 30% për produktet e BE-së nga 1 gushti.
Në një postim në platformën X, presidenti francez i bëri thirrje Komisionit Evropian "të përshpejtojë përgatitjen e kundërmasave të besueshme, duke mobilizuar të gjitha mjetet në dispozicion" nëse nuk arrihet një marrëveshje deri më 1 gusht.
Along with the President of the European Commission, France shares the same very strong disapproval at the announcement of horizontal 30% tariffs on EU exports to the United States from August 1st.
— Emmanuel Macron (@EmmanuelMacron) July 12, 2025
This announcement comes after weeks of intense engagement by the Commission in…
Ai thekson se BE-ja ka negociuar me Uashingtonin për disa javë "mbi bazën e një oferte të vendosur dhe me mirëbesim", ndërsa deklaron se "më shumë se kurrë i takon Komisionit të riafirmojë angazhimin e Unionit për të mbrojtur me vendosmëri interesat evropiane".
“Franca mbështet plotësisht Komisionin Evropian në negociatat që do të intensifikohen, me qëllim arritjen e një marrëveshjeje të pranueshme reciprokisht deri më 1 gusht, për të reflektuar respektin që partnerët tregtarë, siç janë Bashkimi Evropian dhe Shtetet e Bashkuara, ia kanë borxh njëri-tjetrit, për interesat e përbashkëta dhe zinxhirët e integruar të vlerave”, shkroi ai gjithashtu.
Duke dënuar tarifat e reja të shpallura nga Donald Trump sot, Presidentja e Komisionit Ursula von der Leyen tha se BE-ja po kërkon ende një marrëveshje tregtare me Uashingtonin.
Presidenti amerikan, i cili vendosi gjithashtu tarifa prej 30% ndaj Meksikës, e justifikoi vendimin e tij duke përmendur çekuilibrin në bilancin tregtar midis vendit të tij dhe BE-së.
Në vitin 2024, SHBA-të kishin një deficit tregtar prej 236 miliardë dollarësh me Unionin (+ 13% në një vit), i cili eksportoi mallra me vlerë 606 miliardë dollarë në ekonominë më të madhe në botë, sipas të dhënave nga Zyra e Përfaqësuesit të Tregtisë së SHBA-së.
