Papa nuk është jashtë rrezikut, thanë burimet e Vatikanit, me prognozën e tij ende të paqartë. Megjithatë, ajo që është inkurajuese është se si ai e piu kafen e tij këtë mëngjes. Përditësimi për gjendjen e tij shëndetësore thoshte se 88-vjeçari ishte zgjuar dhe mbante ende një maskë oksigjeni.
Megjithatë, pavarësisht përmirësimit të dukshëm, mjekët theksuan se ai nuk i ka shpëtuar rrezikut dhe gjendja e tij shëndetësore ka qenë e njëjtë me dy javë më parë.
Në një konferencë të shkurtër të shtunën në mëngjes, burimet e Vatikanit thanë: “Shëndeti i tij është shumë serioz. Nata kaloi e qetë, Papa po pushon”.
Burimet konfirmuan se Papa ka pirë kafe të shtunën në mëngjes dhe mund të hajë ende ushqime të forta. Kur u pyet nëse kishte ngrënë, nuk u përgjigj.
Dhe kur u pyet nëse gjatë krizës së djeshme Papa iu nënshtrua ndonjë trajtimi invaziv, burimi i Vatikanit u përgjigj: “Është e mundur”.
Papa pësoi një sulm në frymëmarrje dje që shkaktoi të vjella dhe e detyroi atë të përdorte një maskë oksigjeni për herë të parë, tha Vatikani.
