Kryeministrja e Estonisë, Kaja Kallas i dorëzoi dorëheqjen Presidentit Alar Karis mëngjesin e së hënës. Kallas jep dorëheqjen pasi u nominua si Përfaqësuesja e Lartë e Bashkimit Evropian për Punët e Jashtme dhe Politikën e Sigurisë.
Ajo teknikisht mbetet kryetare e qeverisë derisa të betohet koalicioni i ri qeveritar.
Kallas ka mbajtur rolin e kryeministres që nga viti 2021 dhe ka drejtuar tre qeveri radhazi. Ajo gjithashtu do të japë dorëheqjen si kryetare e Partisë së Reformës më vonë këtë verë.
Tashmë janë duke u zhvilluar negociatat mes Reformës, SDE-së, Eesti 200 për vazhdimin e bashkimit aktual të pushtetit. Kristen Michal është duke udhëhequr diskutimet pasi është nominuar si kandidatja e Partisë Reformuese për postin e kryeministres.
Presidenti tani do të zhvillojë diskutime me partitë dhe më pas do të ndajë përgjegjësinë për formimin e një qeverie. Zakonisht, ajo i jepet partisë më të madhe në Riigikogu, që është Reforma. Një qeveri e re ka të ngjarë të marrë detyrën në fillim të gushtit. Versus.al
