Kosovë- Gjatë mbrëmjes së djeshme pak pas mesnate është dëmtuar ndërtesa e komunës së Zveçanit dhe 4 makina të parkuara pranë objektit.
Shkak është bërë shpërthimi i një granate dore.
“Mbrëmë para mesnate ka pas një shpërthim që ne dyshojmë se ka qenë granate dore e llojit M-75. E njëjta ka shkaktuar dëme materiale në ndërtesën e komunës së Zveçanit, e po ashtu edhe në 4 vetura që kanë qenë të parkuara aty afër”, njofton policia.
Fatmirësisht nuk ka patur persona të lënduar, ndërsa hetimet për zbardhjen e ngjarjes vijojnë.
Kujtojmë se kjo komunë duke pasur shumicë popullsie serbe, hrë pas here ka trazira mes banorëve dhe policisë që prej se policët serbë dhanë dorëheqjen nga postet e tyre dhe më pas edhe përfaqësuesit serbë bojkotuan zgjedhjet lokale për 4 komunat e veriut. Versus.al
