Një situatë përplasjeje u krijua pasdite të mërkurës jashtë parlamentit serb, ku partia në pushtet e Aleksandër Vuçiçit organizoi një tubim për mbështetësit e saj.
Partia Progresive Serbe (SNS) madje kishte marrë me qira autobusë dhe kishte transportuar vazhdimisht njerëz në Beograd nga zona të ndryshme të Serbisë.
Tubimi do të zhvillohet në vendin ku ndodhet kampi i veçantë i të ashtuquajturve "të besuar" të Vuçiçit për tetë muaj .
Versioni zyrtar i tubimit është se "do të jetë një ngjarje mirëseardhjeje për një grup qytetarësh serbë nga Kosova që po bëjnë ecje në mbështetje të Presidentit të Republikës".
Disa dhjetra metra larg vendit ku do të mbahet tubimi i SNS, ndodhet Diana Hrka, nëna e një viktime të tragjedisë në Novi Sad, e cila filloi para katër ditësh një grevë urie.
Hrka kërkon nisjen e procedurave ligjore për dënimin e përgjegjësve për vdekjen e djalit të saj dhe 15 personave të tjerë në stacionin hekurudhor të Novi Sad më 1 nëntor 2024.
Rreth zonës ku ndodhet nëna në grevë urie qëndrojnë vazhdimisht qytetarë që kanë shkuar për t’i dhënë mbështetje. Për pasditen e sotme, studentë nga Beogradi, Novi Sadi dhe universitetet publike të qyteteve në jug të Serbisë kanë njoftuar se do të vijnë të organizuar.
Prania e dy grupeve kundërshtare në të njëjtin vend shkakton shqetësime serioze për mundësinë e përleshjeve.
Presidenti i Republikës, Aleksandër Vuçiç, i ka thirrur mbështetësit e tij të protestojnë qetësisht dhe të respektojnë të drejtën e kundërshtarëve politikë për të shprehur mendimin e tyre.
“Duhet të tregojmë maturi. Duhet të tregojmë sjellje të përshtatshme. Të tregojmë se jemi të ndryshëm dhe kjo është thirrja ime ndaj shumicës, të tregojë përgjegjshmëri,” tha Vuçiq.
Opozita akuzon presidentin se me sjelljen e tij krijon një klimë polarizimi dhe armiqësie në shoqëri për të zgjatur qëndrimin e tij në pushtet.
