Personi që shikoni në foto është polici maqedonas që mbrëmë (29 nëntor 2024) hoqi flamurin shqiptar nga shtylla në Kumanovë. Fotoja e tij është bërë publike nga media ‘Tetova sot’ .
Në pamjet që qarkollojnë një rrjet polici tashmë i identifikuar me inicialet D.K. shihet duke hequr nga shtylla flamurin shqiptarin, të cilin më pas e hedh në tokë.
Veprimi i tij ka shkaktuar zëmerim dhe indinjatë tek shqiptarët e Maqedonisë, ndërsa partitë politike opozitare kanë kërkuar dorëheqjen e ministrit të Brendshëm dhe dënimin e policit maqedonas.
Zv.ministri i Ministrisë së Punëve të Brendshme, Astrit Iseni, tha se polici do të dënohet me masa disiplinore.
“Do të ketë një procedurë disiplinore kundër punonjësit të MPB-së që hodhi flamurin Shqiptar. Çdo punonjës i MPB-së ka detyrimin të respektojë ligjet dhe simbolet e të gjitha bashkësive etnike në Republikën e Maqedonisë së Veriut. Mosrespektimi i këtyre detyrimeve do të sanksionohet pa përjashtim”,- ka shkruar Iseni./Versus.al
