Ukrainë- Një dron rus goditi një autobus, duke vrarë nëntë persona dhe duke plagosur katër të tjerë në rajonin e Sumy-t. Sulmi ndodhi vetëm pak orë pasi Moska dhe Kievi zhvilluan bisedimet e tyre të para të drejtëpërdrejta për paqe pas disa vitesh luftë.
"Ky nuk është thjesht një tjetër bombardim, është një krim cinik lufte", tha Policia Kombëtare e Ukrainës në një postim në aplikacionin e mesazheve Telegram.
Agjencia shtetërore e lajmeve TASS e Rusisë raportoi, duke cituar një deklaratë nga ministria e mbrojtjes, se forcat ruse goditën një zonë të vendosjes së pajisjeve ushtarake ukrainase në rajonin e Sumy-t me dronë.
Takimi i zyrtarëve rusë dhe ukrainas në Turqi të premten dështoi të ndërmjetësonte një armëpushim të përkohshëm. Ishte dialogu i parë i drejtpërdrejtë midis dy palëve që nga muajt e parë të luftës që Rusia nisi në shkurt 2022.
Ihor Tkachenko, kreu i administratës ushtarake të Sumy-t, tha në Telegram se një operacion shpëtimi ishte duke u zhvilluar. Policia e Ukrainës postoi foto të një furgoni pasagjerësh blu të errët pothuajse të shkatërruar, me çatinë e shqyer dhe dritaret e djegura. Ndërsa Rusia mohon që të ketë sulmuar civilët. Versus.al
