Tre skiatorë vdiqën në Alpet Franceze pasi dolën nga pista dhe u përfshinë nga një ortek, thanë autoritetet të premten.
Ata ishin pjesë e një grupi prej gjashtë vetash që shkuan në male me një instruktor skijimi në zonën Val d'Isere në Francën juglindore. Identitetet dhe kombësitë e viktimave nuk u bënë të ditura menjëherë.
Sipas autoriteteve lokale, grupi kishte me vete pajisje sigurie të detyrueshme, por u nis pavarësisht një paralajmërimi për rritje të rrezikut të ortekëve.
Stuhia Nils solli reshje të dendura dëbore në Alpet Franceze këtë javë, duke bërë që disa vendpushime skijimi të mbyllnin plotësisht pistat e tyre të enjten. Shumë zona skijimi në rajon mbetën nën nivelin e dytë më të lartë të paralajmërimit për ortekë të premten.
Komuna e Val d'Isere i paralajmëroi të gjithë skiatorët të qëndronin në pistat e shënuara dhe të ndiqnin rekomandimet e sigurisë duke pasur parasysh rrezikun e shtuar. Versus.al
