Sipas një burimi nga shërbimi ushtarak i inteligjencës ukrainase (HUR) për gazetën "Kijev Independent", “partizanët kibernetikë” rusë dyshohet se kanë hakuar televizionin rus dhe kanë transmetuar pamje që zbulojnë detaje nga fronti në Ukrainë, si dhe informacione mbi situatën e brendshme në vend.
Video që tregon krizën e karburantit në Rusi, mungesën e ujit në pjesët e pushtuara të rajonit të Donjeckut, sulmet ukrainase ndaj rafinerive të naftës dhe humbjet ushtarake të Rusisë, dyshohet se u transmetua njëkohësisht në 116 kanale televizive në Ditën e Pavarësisë së Ukrainës.
Transmetimi në televizionet ruse u ndërpre.
“Kanë kaluar tre vjet e gjysmë lufte, dhe presidenti rus Vladimir Putin nuk ka pushtuar plotësisht asnjë rajon ukrainas. Ukraina mbetet e pavarur,” thuhet në videon e transmetuar.
During evening primetime on August 24, cyber experts hacked a Russian TV provider, showing a video about Russian army losses in Ukraine and gasoline shortages, an informed source told hromadske. pic.twitter.com/e41HXoS4FK
— Hromadske Int. (@Hromadske) August 25, 2025
Burimi i “Kijev Independent” raporton se “partizanët lokalë kibernetikë” gjithashtu kanë bllokuar aksesin e administratorëve të ofruesve të shërbimeve, gjë që e vështirësoi ndërprerjen e transmetimit të këtij përmbajtjeje.
Dyshohet se të paktën 50,000 shikues në Moskë dhe rajone të tjera ruse kanë parë videon që zgjaste mbi tre orë. Transmetimi u shfaq gjithashtu në aplikacione përmes Apple Store, Google Play, Smart TV dhe rrjeteve të tjera kabllore.
Hakerët ukrainas gjithashtu kryejnë sulme të rregullta ndaj platformave online ruse që prej kur Rusia nisi pushtimin e Ukrainës në 2022.
Sipas raporteve, në korrik, ekspertë kibernetikë nga HUR (Shërbimi Ukrainas i Inteligjencës Ushtarake) realizuan një sulm të madh kibernetik mbi infrastrukturën rrjetore të gjigantit energjetik rus Gazprom, duke shkaktuar ndërprerje të konsiderueshme.
