Dy avionë Alpha Jet nga Patrouille de France, skuadra akrobatike e Forcave Ajrore Franceze, u përplasën në ajër gjatë një stërvitjeje pranë bazës ajrore në Saint-Dizier, në Francën lindore, pasditen e sotme (25 mars 2025). Incidenti ndodhi gjatë një ushtrimi stërvitor me gjashtë avionë.
Të dy pilotët dhe një pasagjer arritën të hidhen me parashutë dhe u gjetën të vetëdijshëm. Dy prej tyre u dërguan në spitalin lokal, ndërsa personi i tretë, i cili është i plagosur rëndë, po trajtohet nga ushtria franceze.
Njëri nga avionët u përplas me një silo industriale, duke shkaktuar një zjarr, ndërsa avioni tjetër ra në një kanal uji. Nuk raportohen viktima civile.
Deux avions de la patrouille de France se sont crashés non loin de Saint-Dizier. Les pilotes ont eu les temps de s’éjecter apparemment @afpfr #avion #crash #patrouilledefrance #saintdizier #villiersenlieu @AlertesInfos pic.twitter.com/yFgjhRip5M
— ludovic barbier (@ludovicbarbier5) March 25, 2025
Ministri i Forcave të Armatosura të Francës, Sébastien Lecornu, konfirmoi aksidentin dhe tha se shërbimet e emergjencës janë mobilizuar për të menaxhuar situatën.
Patrouille de France përdor Alpha Jet që nga viti 1981 dhe është një nga ekipet më të njohura akrobatike ajrore në botë. /Versus.al/
