Etna, një nga vullkanet më aktivë në botë, ka patur një aktivitet intensiv ditët e fundit, duke ndriçuar qiellin pranë qytetit të Catania, ndërsa Stromboli në brigjet veriore të Siçilisë ka derdhur llavë në det.
Agjencia italiane e Mbrojtjes Civile lëshoi alarmin e kuq në Stromboli, duke paralajmëruar se situata mund të përkeqësohej.
Ministri i Mbrojtjes Civile Nello Musumeci tha se Stromboli ishte "nën vëzhgim", duke shtuar se autoritetet po siguroheshin që planet e evakuimit të ishin gati në rast emergjence.
Brigada e zjarrfikësve tha se ata kishin dyfishuar paraprakisht numrin e zjarrfikësve në ishull.
Rreth Katanias, në bregun lindor të Siçilisë, banorët dhe autoritetet u zhvendosën për të pastruar qytetin pasi rrugët dhe makinat mbetën të mbytura në hirin e zi vullkanik, ndërsa aeroporti aty pranë u mbyll.
#Messina, dal pomeriggio di #oggi si è intensificata l'attività eruttiva dello #Stromboli: potenziato il monitoraggio del #vulcano.
— Vigili del Fuoco (@vigilidelfuoco) July 4, 2024
Nella clip il sorvolo sull’isola dell’elicottero dei #vigilidelfuoco Drago 142#4luglio pic.twitter.com/Lw0nJYYtpd
E ndërsa auritetet janë ngritur në këmbë, banorët e pronarët e bizneseve duken krejt të qetë. Në ishullin vullkanik situata duket se është absolutisht nën kontroll. Restorantet funksionojnë, po ashtu edhe baret, dhe banorët e përballojnë ditën e tyre si gjithmonë: me qetësinë e atyre që kanë zgjedhur të jetojnë në një "tenxhere me presion" dhe e dinë se, herë pas here, vullkani zgjohet.
"Dhe është një gjë e mirë që ai e bën këtë - shpjegon pronari i një restoranti. Kjo është natyra e vullkanit, ne e dimë atë, jemi mësuar me të dhe e pranojmë. Ne kemi lindur Këtu, nuk na habit fakti që vullkani shpërthen, është ajo që ka bërë gjithmonë dhe është mirë që vazhdon, sepse do të thotë që ai çliron energjinë e tij gradualisht, ne nuk jemi të alarmuar, më tepër jemi të lehtësuar. Sipas pronarit të restorantit "shqetësimi është më shumë 'gazetaresk' sesa real. “Po gjeneron alarm që nuk është mirë për ne. Megjithatë, për fat të mirë vazhdojmë të punojmë si gjithmonë. Sonte do të kemi klientë, dhe s'ka rëndësi nëse ju bie dhe pak hi në tryezë”. – shtojnë me shaka
Pasditen e së enjtes një rrjedhë piroklastike u lëshua nga vullkani Aeolian, i cili u zhvillua me shpejtësi përgjatë Sciara del Fuoco, duke arritur në vijën bregdetare dhe duke u përhapur në det për disa qindra metra. Nga Sciara del Fuoco u ngrit një kolonë hiri e cila arriti një lartësi prej rreth dy kilometrash. Analiza e të dhënave të deformimit të tokës tregon deformime dhe zhvendosje të lehta të stacioneve të monitorimit sizmik.
Për këtë arsye Departamenti i Mbrojtjes Civile ka urdhëruar kalimin e alarmit nga niveli portokalli në atë të kuq dhe në fazën operacionale para alarmit. Siç thuhet në një shënim, vendimi u miratua pas vlerësimeve që dolën gjatë takimit me Qendrat e Kompetencës dhe Departamentin e Mbrojtjes Civile të Rajonit të Siçilisë, të mbledhur pas evolucionit të shpejtë të aktiviteteve që po prekin vullkanin.
