Një deputet është qëlluar për vdekje në Kuvendin e rajonit separatist gjeorgjian të mbështetur nga Rusia, Abkhazi, raportoi të enjten agjencia zyrtare e lajmeve e këtij rajoni.
Agjencia shtetërore “Apsnypress”, e cila citoi Ministrinë e Shëndetësisë ka thënë se deputeti Vakhtang Golandzia kishte vdekur nga plagët e pësuara gjatë të shtënave në ndërtesën e Kuvendit. Një deputet tjetër është plagosur, raporton “Reuters”.
According to local sources, there was a shooting today in the parliament of #Abkhazia, a region of #Georgia under #Russian military occupation since 2008, when #Moscow invaded the country. The motive appears to have been the vote on a controversial law aimed at making it easier… pic.twitter.com/mKFtuXw68E
— K13 News (@K13News) December 19, 2024
Agjencia shtetërore e lajmeve e Abkhazisë, Apsnypress, raportoi se ministria e brendshme identifikoi një ligjvënës tjetër, Adgur Kharazia , si të dyshuar në incident dhe se ai u largua nga vendi i ngjarjes. Telegrami nuk jep asnjë të dhënë për motivin.
Abkhazia, e vendosur në bregun e Detit të Zi, u shkëput nga Gjeorgjia pas një lufte pas rënies së Bashkimit Sovjetik në fillim të viteve 1990,
Rusia ka mbështetur prej kohësh Abhazinë dhe një rajon tjetër separatist të Gjeorgjisë, Osetinë e Jugut duke fituar një luftë pesë-ditore me Gjeorgjinë në
2008 Abkhazia u zhyt në krizë muajin e kaluar kur protestuesit sulmuan parlamentin për të protestuar ndaj një marrëveshje investimi me Rusinë, duke shkaktuar dorëheqjen e presidentit të rajonit, Aslan Bzania . Zëvendësi i tij, Gunba , u bë drejtuesi i përkohshëm i qarkut.
Deputetët votuan kundër ratifikimit të marrëveshjes me Rusinë në fillim të këtij muaji.
Udhëheqësit e opozitës në Abkhazi e kishin kundërshtuar marrëveshjen, nga frika se kjo do të hapte rrugën për rusët e pasur për të blerë prona, duke rritur çmimet për vendasit.
Moska, e cila financon kryesisht buxhetin e Abkhazisë, dëshiron që investitorët rusë të jenë në gjendje të fitojnë të drejta pronësie dhe të kenë të drejtën për të zhvilluar rajonin.
