Mediat kosovare kanë zbuluar detaje të reja nga vrasja e mbrëmshme në Bibaj të Ferizajt, ku polici Festim Ramadani vrau me armë burrin e tezes tw moshuarin Sadri Sadriun.
Sipas Nacionale motivi i vrasjes së moshuarit ishte ‘dhunimi i dy motrave , Festim Ramadanit, nga ana e viktimës, Sadri Sadriu, kur ato ishin të mitura’.
Po sipas Nacionales për rastin ishte i informuar dhe bashkëshorti i Presidentes Prindon Sadriu por edhe vetë Presidentja Vjosa Osmani.
Ata ishin futur edhe në një grup komunikimi në Facebook, ku familja Ramadani kishte rrëfyer gjitha pretendimet e tyre për viktimën Sadri Sadriu.
Nga disa komunikime që ka parë Nacionale ndërmjet familjarëve Sadriu – Ramadani, aty shihet se në ‘chat-in’ e komunikimeve, ishte edhe Prindon Sadriu si dhe Vjosa Osmani-Sadriu.
Një pjesë e komunikimit në grupin e Facebook, ku ishte edhe Prindon Sadriu dhe presidentja Osmani:
‘familjarët e dorasit ishin të indinjuar që rasti nuk po trajtohej nga organet e drejtësisë’ duke aluduar në anashkalimin e tij ‘falë fuqisë politike të familjes Sadriu’.
Për të gjitha këto pretendime, Nacionale ka kontaktuar edhe Presidencën e Republikës së Kosovës, por deri në momentin e publikimit të këtij lajmi, të njëjtit nuk kanë kthyer përgjigje.
