Elidjana Çelaj është emëruar përkohësisht drejtoreshë e përgjithshme e Tatimeve, pas lirimit nga detyra të ish drejtorit të përgjithshëm Ceno Klosi.
Në urdhrin e Ministrit të financave dhe Ekonomisë që ka hyrë në fuqi pas botimit në Fletoren Zyrtare thuhet se znj. Elidjana Çelaj, me pozicion të zëvendësdrejtorit të përgjithshëm të Hartimit të Programeve, në Drejtorinë e Përgjithshme të Tatimeve, është ngarkuar përkohësisht në detyrën e Drejtorit të Përgjithshëm të Tatimeve, me qëllim garantimin e funksionimit të veprimtarisë së përditshme administrative, deri në momentin e plotësimit të vakancës për këtë pozicion pune apo në një urdhër të dytë. Më heret Çelaj ka punuar dhe si Zv.Drejtore e Postës Shqiptare.
Ndërsa ish drejtori i Drejtorisë së Përgjithshme të Tatimeve (DPT) Ceno Klosi u liria nga kjo detyrë sipas vendimit të miratuar më 5 Qershor nga Këshilli i Ministrave
Më një tjetër vendim të miratuar në mbledhjen e së njëjtës datë, Klosi u emërua zëvendësministër i Infrastrukturës dhe Energjisë.
Ceno Klosi mbajti detyrën e drejtorit të përgjithshëm të DPT-së, nga muaji tetor i vitit 2021 deri në fillim qershor 2024, pasi zëvendësoi Delina Ibrahimaj që në atë kohë u bë Ministre e Financave dhe Ekonomisë.
