Moti i keq i nisur të hënën e 9 shtatorit nga Greqia Perëndimore, pati sot në “syrin e ciklonit” zonën e Atikes, ku u "hap qielli" nga rreshjet e shumta të shiut. Reshjet e papritura që solli moti i keq në qendër të Athinës dhe periferitë jugore, përmbytën rrugët dhe vërshuan kanalizimet, duke shkaktuar probleme të shumta.
Në Galatsi janë rrezikuar pasagjerët e një autobusi, pasi mjeti “ngeci” në rrugët e përmbytura. Autobusi ishte duke ecur normalisht në itinerarin e tij, por kur mbërriti për të ndaluar në stacion, pasagjerët e kishin të pamundur të zbrisnin.
Deri në mesditën e së mërkurës parashikohen që rreshjet të jenë veçanërisht intensive (dhe lokalisht të rrezikshme). Gjithashtu, fenomene intensive priten nga mbrëmja e së martës (10/9) deri në orët e pasdites të së mërkurës në Traki dhe në ishujt e Egjeut verior dhe lindor.
Mbi 15,000 rrufe (15,683) janë regjistruar nga stacionet e Observatorit Kombëtar (meteo) nga mëngjesi i së martës deri në orën 18:45.
