Gjykata e Lartë ka rrëzuar kërkesën e bërë nga Sali Berisha për përjashtimin e tre gjyqtarëve nga shqyrtimi i rekursit të tij kundër masës “detyrim paraqitje” të cilën GJKKO ia kishte caktuar për aferën “Partizani”.

Më herët gjykata ka rrëzuar kërkesën e bërë nga Berisha për masën “arrest shtëpie” që ishte caktuar nga GJKKO me kërkesë të SPAK për aferën “Partizani” pasi ish-kryeministri nuk kishte zbatuar masën “detyrim paraqitje”.

Ndërsa këtë herë, është rrëzuar edhe kërkesa e Berishës për përjashtimin e tre gjyqtarëve, Ilir Panda, Sandër Simoni dhe Sokol Binaj nga shqyrtimi i ankimit të tij kundër masës “detyrim paraqitje” të caktuar nga GJKKO pasi u lirua nga arresti shtëpiak. Versus.al

Genc Gjokutaj, avokati i kryedemokratit Sali Berisha

Gjykata e Posaçme shtyu për në datën 11 prill seancën paraprake ku do të vendoset nëse do kalojë ose jo për gjykim dosja “Partizani” me 5 të pandehur, mes të cilëve edh eish-kryeministri Sali Berisha.

Shkak për shtyrjen u bë mungesa e njërit prej avokatëve. Ndërsa avokati Genc Gjokutaj foli për mediat jashtë GJKKO duke deklaruar se kërkesa e tyre është pushimi i gjykimit pasi sipas tij nuk ka çështje të hapur.

“Në seancë ishin kontestimet tona ndaj prokurorisë. Nuk kemi qëndrim variabël, jemi shprehur që në fillim. Mungon fakti penal, në këtë moment jemi të detyruar të kërkojmë pushimin e çështjes sepse nuk ka çështje”- deklaroi Gjokutaj.

Hetimet për dosjen e privatizimit të ish-kompleksit sportiv "Partizani" u mbyllën në shtator të vitit të kaluar, ndërsa seanca e parë për çështjen u mbajt në muajin tetor. Që prej asaj kohe, ka pasur vazhdimisht shtyrje të seancës ku do të vendosej nëse Berisha, dhëndri i tij Jamarbër Malltezi dhe 3 të pandehurit e tjerë do të kalonin për gjykim.

Ndërkohë që prej caktimit të masës "detyrim paraqitje", Berisha ka mbledhur gjithmonë mbështetësit e tij në dyert e SPAK ku më pas edhe ka lexuar përgjimet e dosjes "Toyota Yaris" për ministrin Taulant Balla. 

Në total të pandehur për aferën, janë marrë 5 persona nën akuza të ndryshme, konkretisht:

Ish-kryeministri Sali Berisha në "detyrim paraqitje", akuzohet për korrupsion pasiv në bashkëpunim me dhëndrin e tij.

Jamarbër Malltezi, dhëndri i Sali Berishës dhe një prej trashëgimtarëve të pronave në ish-kompleksin sportiv të Partizanit, akuzohet për korrupsion pasiv dhe pastrim parash.

Fatmir Bektashi, ndërtuesi i kullave në kompleks, akuzohet për korrupsion aktiv të zyrtarëve të lartë, në këtë rast të ish-kryeministrit Sali Berisha dhe për pastrim parash.

Andia Pustina, juristja që ka kryer veprimet proceduriale në kalimin e pronësisë, akuzohet për pastrim parash.

Xhimi Begeja, kushëri dhe ortak i Jamarbër Malltezit, akuzohet për pastrim parash. Versus.al

Sali Berisha dhe dhëndri i tij, Jamarbër Malltezi

Sot në orën 09:30 pritet të mbahet seanca paraprake e radhës për aferën “Partizani”, e disata që prej tetorit të vitit të kaluar kur u mbajt seanca e parë. 

Pritet të vendoset nëse dosja do të kalojë për gjykim, ndërkohë që të pandehur janë ish-kryeministri Sali Berisha, dhëndri i tij Jamarbër Malltezi, biznesmeni Fatmir Bektashi, Xhimi Begeja dhe financierja Andia Pustina.

Në seancën e sotme pritet që prokurorët e posaçëm të ballafaqohen me pyetjet e bëra nga avokatët e të pandehurve. Pas ballafaqimit të fakteve, gjyqtarja Flojera Davidhi do të vendosë nëse dosja do të kalojë për gjykim ose jo. Në rast se po, kreu i PD Sali Berisha do të rrezikonte dënimin për akuzën e kryerjes së veprës penale “korrupsion pasiv” në bashkëpunim.

Prej shtatorit të vitit të kaluar kur dosja u kalua për gjykim, seancat janë shtyrë njëra pas tjetrës me kërkesën e avokatëve të të pandehurve për t’u njohur me materialet hetimore dhe provat që prokurorët pretendojnë se kanë ndaj klientëve të tyre.

Aktualisht i vetmi në arrest shtëpie prej të pandehurve, është Jamarbër Malltezi, ndërsa kryedemokrati Sali Berisha u lirua në nëntor të vitit të kaluar pas një arresti 11 mujor. SPAK dyshon se të pandehurit kanë bashkëpunuar për të kryer privatizimin e ish-kompleksit sportive “Partizani” në shkelje të ligjeve duke përfituar nga pozita e Malltezit dhe lidhja e tij me Berishën në kohën kur ky i fundit ishte kryeministër. Versus.al