Pas atentatit tronditës të mbrëmjes së kaluar në Sarandë, ku humbi jetën 58-vjeçari Isuf Jaçaj, forca të shumta speciale të RENEA-s dhe FNSH-së kanë zbarkuar në qytet dhe zonat përreth, në një operacion të gjerë për identifikimin dhe kapjen e autorëve.

Gjatë ditës së diel, njësitë speciale të Policisë së Shtetit kanë ushtruar kontrolle intensive në lagje të ndryshme të Sarandës dhe në zonat periferike të Bashkisë Konispol, duke përdorur pajisje të specializuara për zbulimin e lëndëve eksplozive dhe provave të tjera të mundshme në terren.

Burime pranë grupit hetimor bëjnë me dije se pista kryesore ku po fokusohet hetimi është ajo e hakmarrjes, në vijim të një konflikti që nisi më 17 korrik, kur dy persona u plagosën me armë zjarri në Sarandë.

Isuf Jaçaj ishte babai i Klaus Jaçaj, 31 vjeç, i cili aktualisht ndodhet në burg, i akuzuar për “përkrahje të autorit të krimit” dhe “moskallëzim krimi”, pasi dyshohet se ka ndihmuar Ramadan Zoton pas plagosjes së dyfishtë. Klaus Jaçaj u vetëdorëzua në polici më 23 korrik, vetëm dy ditë pasi një sasi eksplozivi i shpërtheu makinën e parkuar pranë banesës, në një tjetër atentat ende të pazbardhur.

Në lidhje me ngjarjen e fundit, ekspertët e xhenios kanë përcaktuar se janë përdorur rreth 800 gram tritol, i vendosur nën mjetin tip “Toyota” që drejtonte viktima. Shpërthimi dyshohet të jetë aktivizuar me telekomandë, ndërsa deri më tani nuk janë identifikuar kamera sigurie në zonën ku ndodhi atentati, çka po pengon hetimin.

Policia ka shoqëruar mbi 10 persona dhe vijon të marrë në pyetje banorë të lagjes nr. 3, por operacioni është zgjeruar edhe jashtë qytetit. Prania e forcave speciale tregon për seriozitetin me të cilin autoritetet po e trajtojnë këtë ngjarje, që shihet si pjesë e një spiraleje të rrezikshme hakmarrjeje në Sarandë.

Ndërkohë, për atentatin e 17 korrikut ku u plagosën Gëzim Hajdaraj (33) dhe Ernest Lama (25), dy emra të njohur për policinë lokale, si dhe për rolin e Ramadan Zotos – ish-i dënuar në Greqi për vrasje – hetimet janë ende në zhvillim.

RENEA dhe FNSH pritet të vijojnë qëndrimin në Sarandë edhe në ditët në vijim, për të garantuar rendin dhe për të ndihmuar hetimet në zbardhjen e plotë të ngjarjes.

Detaje të reja kanë dalë në dritë lidhur me atentatin me tritol që tronditi Sarandën mbrëmjen e kaluar, ku humbi jetën 58-vjeçari Isuf Jaçaj.

Burime nga grupi hetimor konfirmojnë se në atentat është përdorur një sasi e konsiderueshme prej 800 gramësh tritol, e mjaftueshme për të shkaktuar një shpërthim të fuqishëm me pasoja fatale. Lënda plasëse ishte vendosur në automjetin e viktimës dhe dyshohet se u aktivizua në mënyrë të telekomanduar.

Jaçaj, i cili mbeti i plagosur rëndë nga shpërthimi, nuk arriti t’i mbijetonte dëmtimeve dhe ndërroi jetë në spital pak orë më vonë.

Ai ishte babai i Klaus Jaçajt, 31-vjeçarit që ndodhet aktualisht në burg, i arrestuar për një plagosje të dyfishtë më 17 korrik, ngjarje që po hetohet në një pistë të lidhur edhe me motivin e atentatit.

Policia ka shoqëruar mbi 10 persona për t’u marrë në pyetje lidhur me ngjarjen, ndërsa kontrollet janë shtrirë edhe në Tiranë, për të verifikuar lëvizjet dhe kontaktet e mundshme të viktimës dhe të afërmve të tij.

Sipas burimeve paraprake, dy persona dyshohet se kanë marrë pjesë në organizimin dhe ekzekutimin e atentatit. Policia po punon për identifikimin e tyre, ndërsa janë marrë në pyetje edhe banorë të lagjes nr. 3 në Sarandë, ku banonte Jaçaj.

Hetimet po drejtohen në disa pista, përfshirë edhe atë të hakmarrjes ose lidhjeve të së kaluarës kriminale të djalit të viktimës. / VERSUS / 

Ngjarja e rëndë që tronditi qytetin e Sarandës mbrëmjen e djeshme, ku një atentat me tritol i mori jetën 58-vjeçarit Isuf Jaçaj, është pasuar më disa shoqërime ngaana e policisë e grupit hetimor. Ngjarja ndodhi në lagjen nr. 3 të qytetit bregdetar, ku një shpërthim i fuqishëm në automjetin e Jaçajt rezultoi fatal për të, duke i shkaktuar dëmtime të rënda të cilave nuk mundi t’u mbijetojë.

Sipas burimeve nga grupi hetimor, dyshohet se atentati u organizua dhe u krye nga dy autorë ende të paidentifikuar. Policia ka nisur një operacion të gjerë hetimor dhe deri më tani janë shoqëruar mbi 10 persona për t'u marrë në pyetje lidhur me ngjarjen, përfshirë banorë të zonës ku ndodhi shpërthimi.

Isuf Jaçaj ishte babai i 31-vjeçarit Klaus Jaçaj, aktualisht i ndaluar në burg, pasi akuzohet për një plagosje të dyfishtë të ndodhur më 17 korrik 2025. Hetuesit nuk përjashtojnë pistën që atentati ndaj Isuf Jaçajt të ketë lidhje me të kaluarën kriminale të të birit, por ende është herët për të nxjerrë përfundime.

Trupi i pajetë i 58-vjeçarit përcillet sot për në banesën e fundit në varrezat e qytetit të Sarandës, në orën 15:00, ndërsa pritet që ditët në vijim të hedhin më shumë dritë mbi motivet dhe autorët e këtij atentati të rëndë.

Ndërkohë, strukturat e Policisë dhe Prokurorisë së Sarandës janë në ndjekje të çdo prove të mundshme për identifikimin dhe arrestimin e autorëve të dyshuar.

Isuf Jaçaj, viktima e shpërthimit

Një shpërthim tritoli ka tronditur mbrëmjen e së shtunës qytetin e Sarandës, duke i marrë jetën një personi. Ngjarja ndodhi rreth orës 22:50 në lagjen nr. 3, ku një automjet tip Toyota u shkatërrua plotësisht nga lënda shpërthyese e vendosur brenda tij.

Policia njofton se eksplozivi ishte vendosur në automjetin në pronësi të Isuf Jacajt, i cili ndodhej brenda në momentin e shpërthimit dhe humbi jetën në vend. Viktima është babai i Klaus Jacajt, 31 vjeç, i arrestuar për “përkrahje të autorit të krimit” në lidhje me ngjarjen e 17 korrikut 2025, kur Ramadan Zoto plagosi me armë zjarri dy persona në lagjen nr. 4 të Sarandës.

Shpërthimi i fuqishëm u dëgjua në gjithë qytetin bregdetar, duke shkaktuar panik dhe frikë tek banorët e zonës.

Në vendngjarje ndodhen forca të shumta policore dhe grupi hetimor, të cilët po punojnë intensivisht për identifikimin dhe arrestimin e autorëve, si dhe për zbardhjen e plotë të motiveve dhe rrethanave të kësaj ngjarjeje tragjike.

Vetëm 3 muaj më parë, më 22 korrik, Klaus Jaçajt i hodhën në erë mjetin me tritol. Mjeti ishte i parkuar pranë një pallati, po në lagjen numër 3, në të njëjtën zonë ku babai i tij humbi sot jetën në një atentat me tritol.

Autoritetet bëjnë me dije se po zhvillohen të gjitha hetimet dhe procedurat ligjore për dokumentimin e këtij atentati që ka tronditur thellë Sarandën mbrëmjen e sotme.

Një shpërthim i fuqishëm tronditi mbrëmjen e sotme lagjen nr. 3 të Sarandës. Në vendngjarje forcat e rendit gjetën një automjet fuoristradë të shkrumbuar dhe brenda tij një trup pa shenja jete.

Ngjarja la pas veç shokut të krijuar edhe mjaft dëme materiale në zonë.

Forca të shumta policie janë të pranishme dhe ka vendosur një perimetër sigurie. Hetuesit e krimeve të rënda po mbledhin prova, fragmente metalike, mbetje të shpërthimit dhe pamje nga kamerat e sigurisë, për të përcaktuar natyrën e pajisjes shpërthyese. Sipas sinjaleve fillestare, nuk duket të ketë qenë një incident aksidental; hetuesit po vlerësojnë pistën e një eksplozivi të vendosur qëllimisht.

Brenda automjetit të shkatërruar u gjet një trup, deri tani identiteti nuk është konfirmuar në mënyrë zyrtare. Në media është përfolur emra të ndryshëm, mes të cilëve dhe ai i një 58 vjeçari me iniciale I.J. por nuk ka një verifikim përfundimtar që lidh ndonjë emër me këtë ngjarje. Hetimet po ndjekin që në krye të këtij hetimi të ngjarjes së rëndë gjurmë konfliktesh të mundshme apo edhe lidhjesh kriminale 

Prokuroria dhe specialistët e kriminalistikë janë në vendngjarje; pritet ekzaminimi balistik, analiza e mbetjeve të shpërthimit dhe verifikimi i pamjeve të kamerave.