Çfarë do të gjeni në brendësi
*Izraeli ka sulmuar Iranin me 200 dronë dhe 300 raketa gjatë orëve të para të mëngjesit të sotëm. *Objektivi kryesor ka qenë goditja e aseteve bërthamore e Iranit dhe disa prej banesave të liderëve kryesorë ushtarakë dhe shkencëtarët që po punonin për programin bërthamor. *Për pasojë janë vrarë gjenerali Mohammad Bagheri dhe komandanti ushtarak më i fuqishëm Hossein Salami. *Irani paralajmëroi hakmarrje ndërsa goditi me 100 dronë Izraelin. Udhëheqësi Suprem Kahmenei tha se përgjigjia do të jetë shumë e ashpër. Ndërkohë që akuzoi SHBA-të për përfshirje. *Nga ana tjetër, SHBA ka reaguar duke sqaruar se nuk ka gisht në këtë sulm, ndërsa u ka bërë thirrje palëve për vetëpërmbajtje. Presidenti Donald Trump ka deklaruar se SHBA-të janë të gatshme të mbrojnë veten dhe Izraelin në rast të ndonjë sulmi nga Irani.
Izraeli intensifikon sulmet në Iran, mediat iraniane raportojnë 78 të vrarë dhe 329 të plagosur në Teheran
Pas valës së sulmeve të Izraelit në territoret iraniane, mediat lokale në Iran bëjnë me dije se vetëm në kryeqytetin Teheran janë regjistruar 78 viktima dhe 329 persona të plagosur. Situata mbetet e tensionuar ndërsa konfliktet përshkallëzohen në rajon.
Sulmet nisën ditën e sotme, ndërsa SHBA është shprehur në mbështetje të Izraelit.
Aktulaisht dimë se tensionet në Lindjen e Mesme, nuk janë thjesht aludime. Versus.al
BSH e ringriti përkohësisht Euron, por afrimi i fundjavës e zbret në minimum të ri historik
Kursi i këmbimit të Euros me Lekun pësoi përsëri rënie të premten dhe preku një minimum të ri historik. Sipas kursit zyrtar të këmbimit të Bankës së Shqipërisë, Euro u këmbye me 97.88 lekë, niveli më i ulët i shënuar ndonjëherë.
Agjentët e këmbimit mendojnë se rënia e kursit të Euros duket se lidhet me shtimin e ndjeshëm të prurjeve valutore të lidhura me turizmin gjatë muajit qershor. Një rënie e ndjeshme u shënua edhe në prag të fundjavës së kaluar, kur Euro pati zbritur përsëri poshtë vlerës së 98 lekëve.
Banka e Shqipërisë ndërhyri në tregun valutor në fillim të javës së kaluar për të blerë Euro, duke bërë që monedha europiane të ringrihej përkohësisht sipër nivelit të 98 lekëve.
Por, me afrimin e fundjavës duket se presionet rënëse mbi Euron janë forcuar përsëri, duke e zbritur monedhën europiane në vlerën më të ulët të regjistruar ndonjëherë në kursin zyrtar të këmbimit.
Sezoni veror, ashtu siç pritej, po ndikon edhe këtë vit në një rënie të mëtejshme të kursit të këmbimit të Euros me Lekun. Duke filluar nga gjysma e dytë e muajit prill, kursi i këmbimit Euro-Lek ka pësuar një zhvendosje në rënie. Të dhënat e viteve të fundit tregojnë se një rënie e tillë është pak a shumë e zakonshme dhe lidhet me rritjen e flukseve valutore hyrëse, të lidhura sidomos me shtimin e numrit të vizitorëve të huaj. Trysnia mbi kursin e Euros është forcuar më tej me fillimin e qershorit, kur sezoni veror bëhet më intensiv.
Nga ana tjetër, edhe politika fiskale shtrënguese, me suficite të mëdha, e viteve të fundit tenton të shtrëngojë ofertën e Lekut me kalimin e muajve, duke shtuar presionin për mbiçmimin e monedhës vendase. Deri në fund të 4-mujorit, buxheti ishte përsëri në suficit të dukshëm, në vlerën e 38 miliardë lekëve, megjithëse në rënie me 24% krahasuar me të njëjtën periudhë të një viti më parë.
Vitin e kaluar, Banka e Shqipërisë e kufizoi rënien e kursit deri në nivelin e 98 lekëve, nëpërmjet blerjeve të mëdha valutore, që filluan në muajin maj dhe vazhduan pothuajse për të gjithë pjesën e mbetur të vitit. Banka Qendrore bleu afërsisht 933 milionë euro në tregun e brendshëm valutor në 2024, në vlerën më të lartë historike.
Duke parë tendencat e kursit të këmbimit, është e pritshme që blerjet e valutës nga Banka e Shqipërisë do të vazhdojnë të jenë të konsiderueshme edhe këtë vit. Me inflacionin poshtë objektivit prej 3%, Banka e Shqipërisë ka ende hapësira për të ndërhyrë në kursin e këmbimit, duke qëndruar në linjë me objektivin e saj kryesor ligjor./Monitor
Si po zbehet rrjeti i fuqisë së Iranit në Lindjen e Mesme
Irani, i njohur për rrjetin e tij të aleatëve në Lindjen e Mesme, po përballet me një zbehje të dukshme të ndikimit rajonal që ndërtoi me dekada pas Revolucionit Islamik të vitit 1979. Ky rrjet, i njohur si “Boshti i Rezistencës”, përfshinte grupe si Hezbollah në Liban, qeverinë e Bashar al-Assad në Siri, milicitë shiite në Irak, Huthit në Jemen dhe militantët palestinezë të Hamas-it.
Në zemër të këtij boshti ishte Korpusi i Gardës Revolucionare Islamike (IRGC) dhe Forca elitare Quds, të cilat punonin për të zgjeruar ndikimin e Teheranit përtej kufijve të vet.
Por, që nga vrasja e komandantit strategjik Gjeneral Major Qassem Soleimani nga SHBA në 2020 dhe përshkallëzimi i konflikteve në rajon, rrjeti i Iranit ka pësuar goditje të mëdha. Izraeli ka goditur forcat e Hezbollahut në Liban, ndërsa rebelët në Siri kanë rrëzuar partnerin kryesor të Teheranit, Bashar al-Assad.
Në këtë sfond, bisedimet e bllokuara për programin bërthamor të Iranit dhe rënia e ndikimit në rajon i kanë ulur ndjeshëm aftësitë ushtarake dhe politike të Teheranit në Lindjen e Mesme. Versus.al
“Po kryenin takim të fshehtë për të na sulmuar”, Izraeli vr*t të tjerë liderë të lartë iranianë
Ushtria izraelite thotë se vrau disa udhëheqës të lartë të Forcave Ajrore të Gardës Revolucionare Islamike në një sulm, përfshirë komandantin e saj, Amir Ali Hajizadeh.
Forcat e Mbrojtjes së Izraelit thanë të premten se "identifikuan se zinxhiri i lartë komandues i Forcave Ajrore të Gardës Revolucionare Islamike ishte mbledhur në një qendër komande nëntokësore për t'u përgatitur për një sulm ndaj Shtetit të Izraelit"
"Si pjesë e sulmit të përbashkët hapës, avionët luftarakë të IAF goditën qendrën e komandës ku ndodhej Komandanti i Forcave Ajrore të IRGC, Amir Ali Hajizadeh, së bashku me zyrtarë të tjerë të lartë", thanë Forcat e Mbrojtjes së Izraelit (IDF) në një deklaratë.
Hajizadeh u vra së bashku me Komandantin e Forcës UAV të Forcave Ajrore të IRGC, Taherpour, dhe Komandantin e Komandës Ajrore të Forcave Ajrore të IRGC, Davoud Shaykhian.
Më herët u eleminuan disa gjeneralë dhe komandantë të tjerë të njohur mes iranianëve si dhe disa shkencëtarë. Versus.al
Trump i ashpër me Iranin: Të paralajmërova! Bëj gati marrëveshjen para se të humbasësh gjithçka
Donald Trump ka mbajtur një tjetër qëndrim të ashpër publik kundër Iranit. Presidenti i Amerikës është rikthyer me kërcënime për përshkallëzim, duke i bërë thirrje Teheranit të ecë përpara me një marrëveshje përpara se, siç paralajmëron ai, gjithçka të shkatërrohet.
"I dhashë Iranit shans pas shansi për të arritur një marrëveshje", vëren Trump në postimin e tij, duke theksuar se përdori "gjuhën më të fortë" për t'i bërë thirrje atyre të ecin përpara.
Megjithatë, siç pohon ai, pavarësisht përpjekjeve të tyre, iranianët nuk kanë arritur ta përfundojnë marrëveshjen.
"U thashë atyre se nëse nuk e bëjnë, ajo që do të pasojë do të jetë shumë më e keqe se çdo gjë që ata dinë, presin ose janë informuar", thekson ai.
Presidenti amerikan i referohet në mënyrë të veçantë fuqisë mbrojtëse të SHBA-së, të cilën e përshkruan si " teknologjinë ushtarake më të mirë dhe më vdekjeprurëse në botë, deri më tani", duke shtuar se "Izraeli gjithashtu ka shumë nga këto sisteme armësh, me më shumë për të ndjekur". Në fakt, ai thekson se Izraeli "di si t'i përdorë ato".
Duke vazhduar, Trump i referohet "iranianëve të vijës së ashpër" të cilët, siç thotë ai, "folën me guxim", por nuk kishin ide se çfarë do të ndodhte. "Tani të gjithë janë të vdekur", deklaron ai, duke shtuar se " situata do të përkeqësohet edhe më shumë".
Siç argumenton presidenti amerikan, deri më tani ka pasur “një numër të madh vdekjesh dhe shkatërrimesh”, megjithatë, ka ende kohë për t’i dhënë fund kësaj “masakre” përpara se të fillojnë sulmet edhe më të dhunshme të planifikuara tashmë.
Presidenti amerikan i bën thirrje udhëheqjes iraniane që të bjerë menjëherë dakord për një marrëveshje përpara se gjithçka të humbasë , në mënyrë që të shpëtojë atë që ka mbetur nga ajo që ai e quan “ Perandoria Iraniane ”.
“Mjaft me vdekje, jo me shkatërrime. Bëjeni tani, para se të jetë tepër vonë”, përfundon ai, duke e mbyllur postimin me urimin: “Zoti ju bekoftë të gjithëve!”/Versus.al
Lindja e Mesme ‘minë me sahat’, reagon Trump: Ne do ta mbrojmë Izraelin nëse është e nevojshme
Pas sulmit ajror izraelit ndaj objektivave bërthamore të Iranit, që ndezi flakë tensionet në Lindjen e Mesme, reagimi i ish-presidentit amerikan Donald Trump nuk vonoi. Në një intervistë për “Fox News”, Trump rikujtoi se Shtetet e Bashkuara mbeten të palëkundura në qëndrimin kundër përhapjes së armëve bërthamore nga Irani.
Megjithatë, Trump la të kuptohet se nuk ka hequr dorë nga shpresa për rifillimin e negociatave bërthamore me Teheranin.
“Irani nuk duhet të ketë bombë bërthamore. Shpresojmë të ulemi përsëri në tryezën e negociatave. Do të shohim. Ka disa njerëz që nuk do të kthehen në qeverisje, ata që kanë vdekur tashmë,” tha ai me ironi.
Por paralajmërimi më i fortë erdhi për nga gatishmëria amerikane për t’u përfshirë në rast përshkallëzimi të situatës: “Ne do ta mbrojmë Izraelin në çdo rast, nëse është e nevojshme.”
Kjo deklaratë bie në një moment të jashtëzakonshëm, pasi Irani ka paralajmëruar hakmarrje të menjëhershme dhe ka nisur më shumë se 100 dronë drejt territorit izraelit, duke e kthyer Lindjen e Mesme në një zonë tepër të rrezikshme. Versus.al
Pas dekadash në hije, a kemi të bëjmë me një luftë të hapur Izrael-Iran?
Përplasja e iranit dhe Izraelit nuk është rastësore dhe as sporadike.
Ja disa momente kyçe në historinë e tensioneve midis Izraelit dhe Iranit:
1979 - Udhëheqësi pro-perëndimor i Iranit, Mohammed Reza Shah, i cili e konsideronte Izraelin si aleat, rrëzohet nga pushteti në një Revolucion Islamik që instalon një regjim të ri teokratik shiit me kundërshtimin ndaj Izraelit si një imperativ ideologjik.
2009 - Në një fjalim, Udhëheqësi Suprem i Iranit, Ajatollah Ali Khamenei, e quan Izraelin "një kancer të rrezikshëm dhe fatal".
2018 - Kryeministri izraelit Benjamin Netanyahu përshëndet tërheqjen e SHBA-së nga marrëveshja bërthamore e Iranit me fuqitë botërore nga Presidenti Donald Trump, pas vitesh lobimi kundër marrëveshjes.
2020 - Izraeli mirëpret vrasjen e gjeneralit Qassem Soleimani në një sulm me dron amerikan në Bagdad.
2021 - Irani fajëson Izraelin për vrasjen e Mohsen Fakhrizadeh, i cili nga shërbimet e inteligjencës perëndimore shihet si truri i një programi të fshehtë iranian për të zhvilluar aftësi armësh bërthamore. Teherani ka mohuar prej kohësh çdo ambicie të tillë.
Prill 2024 - Një sulm i dyshuar ajror izraelit në kompleksin e ambasadës iraniane në Damask vret shtatë oficerë të Gardës Revolucionare, përfshirë dy komandantë të lartë. Izraeli as nuk e konfirmon dhe as nuk e mohon përgjegjësinë.
Irani përgjigjet me një breshëri dronësh dhe raketash në një sulm të drejtpërdrejtë të paparë në territorin izraelit më 13 prill. Kjo e shtyn Izraelin të nisë një sulm në tokën iraniane më 19 prill, thonë burime të njohura me çështjen.
Tetor 2024 - Irani qëllon mbi 180 raketa drejt Izraelit në atë që e quan hakmarrje për vrasjen e udhëheqësit të Hezbollahut, Hassan Nasrallah, më 27 shtator në një sulm ajror në periferitë jugore të Bejrutit dhe vrasjen e kreut të Hamasit, Ismail Haniyeh, në kryeqytetin e Iranit më 31 korrik.
Qershor 2025 - Izraeli kryen sulme në Iran, të cilat, sipas tij, kishin për qëllim prishjen e infrastrukturës bërthamore të Republikës Islamike dhe shënjestruan shkencëtarët që punonin në një bombë bërthamore në një operacion që do të vazhdonte me ditë të tëra. Versus.al
Njerëzit më me ndikim në ushtri dhe sigurinë e vendit, cilët janë të vrarët nga sulmi i Izraelit në Iran
Sulmi i Izraelit ndaj aseteve bërthamore të Iranit dhe disa prej banesave të liderëve ushtarakë, ka sjellë vrasjen e disa prej figurave më të rëndësishme të vendit sa i takon sigurisë dhe ushtrisë.
Garda Revolucionare e Iranit ka konfirmuar vdekjen e Hossein Salami, një nga komandantët ushtarakë më të fuqishëm dhe me ndikim të vendit.
Gjeneral Major Mohammad Bagheri, shefi i shtabit të forcave të armatosura të Iranit, u vra nga sulmet ajrore izraelite.
Ish-shefi i sigurisë kombëtare të Iranit, Ali Shamkhani, gjithashtu është vrarë në sulmet ajrore të Izraelit ndaj Iranit. Ky i fundit ka qenë një bashkëpunëtor i afërt i udhëheqësit suprem Khamenei. Versus.al
"Rrezikohet destabilizimi i mëtejshëm i rajonit", nga Kina, SHBA dhe shtete të tjera reagojnë për sulmin e Izraelit
Vende anembanë botës po reagojnë ndaj sulmeve të Izraelit ndaj Iranit, me disa që shprehin alarm dhe të tjerë që e kritikojnë këtë veprim. Ministria e Jashtme e Arabisë Saudite shprehu dënimin dhe denoncimin e saj të fortë, duke thënë se "agresioni flagrant izraelit minon sovranitetin dhe sigurinë e Iranit dhe përbën një shkelje të qartë të ligjeve dhe normave ndërkombëtare".
Ambasada e Kinës në Iran e quajti situatën në Iran "të rëndë dhe komplekse", duke u bërë thirrje qytetarëve kinezë në vend të monitorojnë nga afër zhvillimet dhe të rrisin masat e tyre të sigurisë, duke përfshirë shmangien e zonave të ndjeshme ose të mbushura me njerëz.
Sekretari i Shtetit i SHBA-së, Marco Rubio, ka thënë se SHBA-të nuk ishin të përfshira në sulmet e Izraelit, duke shtuar në një deklaratë se "prioriteti ynë kryesor është mbrojtja e forcave amerikane në rajon".
Ministrja e Jashtme e Australisë, Penny Wong, tha se Canberra ishte "e alarmuar nga përshkallëzimi midis Izraelit dhe Iranit". Ajo u bëri thirrje të gjitha palëve të përparësojnë dialogun dhe diplomacinë, duke thënë: "Kjo rrezikon të destabilizojë më tej një rajon që është tashmë i paqëndrueshëm".
Kryeministri i Zelandës së Re, Christopher Luxon, i quajti sulmet "një zhvillim vërtet të padëshiruar në Lindjen e Mesme", duke paralajmëruar se "rreziku i llogaritjeve të gabuara është i lartë". Negociatat bërthamore SHBA-Iran që ishin planifikuar të dielën në Oman shihen si "rruga më e mirë përpara", tha Luxon megjithëse tani nuk është e qartë nëse bisedimet do të vazhdojnë.
Sekretari i Përgjithshëm i OKB-së, Antonio Guterres, "dënon çdo përshkallëzim ushtarak në Lindjen e Mesme", tha një zëdhënës i shefit të OKB-së në një deklaratë të raportuar nga Reuters. Guterres u bëri thirrje të dyja palëve të ushtrojnë përmbajtje.
Zëdhënësi i Ministrisë së Punëve të Jashtme të Indisë, Randhir Jaiswal, tha se vendi po "monitoronte nga afër situatën në zhvillim, duke përfshirë raportet që lidhen me sulmet në vendet bërthamore", dhe u bëri thirrje të dyja palëve të shmangnin përshkallëzimin. Ai tha se India kishte marrëdhënie "të ngushta dhe miqësore" si me Izraelin ashtu edhe me Iranin. Versus.al
Sulmet e Izraelit, reagon udhëheqësi suprem i Iranit: Armiku ynë ka përgatitur një fat të dhimbshëm për veten
Udhëheqësi Suprem i Iranit, Ajatollah Ali Khamenei, ka paralajmëruar se Izraeli do të përballet me "ndëshkim të rëndë" për sulmet e tij të së premtes.
Khamnei konfirmoi se një numër komandantësh dhe shkencëtarësh ishin vrarë nga sulmet, të cilat Izraeli tha se goditën objektiva bërthamore, në një deklaratë të lëshuar nga agjencia shtetërore iraniane e mediave, IRNA.
Khamnei tha se Izraeli kishte kryer një "krim në agim" dhe pretendoi se kishte goditur zona banimi.
"Regjimi duhet të presë një ndëshkim të rëndë."
"Në sulmet e armikut, një numër komandantësh dhe shkencëtarësh u martirizuan. Pasardhësit dhe kolegët e tyre, me vullnetin e Zotit, do të vazhdojnë menjëherë detyrat e tyre pa pushim", tha ai.
"Me këtë krim, regjimi sionist ka përgatitur një fat të hidhur dhe të dhimbshëm për veten e tij dhe me siguri do ta marrë atë." Versus.al
Izraeli sulmon Iranin me 200 avionë luftarakë, objektiv asetet bërthamore! Vriten komandantë të lartë dhe shkencëtarë
Izraeli ka sulmuar Iranin gjatë orëve të para të mëngjesit të sotëm. 100 objektiva u goditën në të gjithë Iranin me shënjestër kryesore asetet bërthamore. Ushtria izraelite thotë se janë përdorur 200 avionë luftarakë dhe rreth 300 raketa gjatë këtyre sulmeve.
Ndërsa kryeministri Benjamin Netanyahu ka deklaruar se sulmet do të vazhdojnë për ditë të tëra me shënjestër kryesore, asetet bërthamore. Mediat raportojnë se janë goditur 6 baza ushtarake rreth Teheranit si dhe disa shtëpi të komandantëve të lartë iranianë duke vrarë disa prej tyre. Ai tha se kishin goditur "zemrën e programit të pasurimit bërthamor të Iranit dhe përpjekjet e tij për të zhvilluar një armë bërthamore", duke shtuar se sulmi kishte në shënjestër impiantin kryesor të pasurimit të Iranit në Natanz, si dhe shkencëtarët kryesorë bërthamorë iranianë të përfshirë në zhvillimin e bombës dhe thelbin e programit të raketave balistike të vendit.
Garda Revolucionare e Iranit ka konfirmuar vdekjen e Hossein Salamit, njërit prej komandantëve ushtarakë më të fuqishëm dhe me ndikim të vendit.
Ndërkohë, Irani ka paralajmëruar hakmarrje ndaj Izraelit duke akuzuar edhe SHBA-të për ndihmë në këto bombardime. Nga ana tjetër sekretari amerikan i shtetit, Macro Rubio ka deklaruar se SHBA nuk është përfshirë në sulme të tilla. Versus.al
