Kryedemokrati mbajti një fjalim në selinë e PD lidhur me protestën e sotme duke u shprehur se do të shkruhet në histori. Sa i takon sulmit ndaj vilës së ish-diktatorit Enver Hoxha, Berisha tha se protestuesit sulmuan duke menduar se aty ishte Edi Rama. 

“Një marshim triumfi si marshi juaj sot. Kjo datë, 28 shkurti, do të shkruhet në historinë e kryengritjes paqësore të shqiptarëve kundër narkoshtetit. Për 3 orë, marshi i juaj, ishte marshi i fitores, marshi i shqiptarëve, i dinjitetit, i guximit. Ishte mesazhi më i shkëlqyer që ju i dërguat çdo shqiptari, ishte mesazhi më i madh që i dërguar miqve tanë në Europë dhe botë. Ishte tmerri që i kalli datën Edi Ramës.

Molotovi në vilën e Enver Hoxhës u hodh pasi protestuesit kishin informacion se në shtëpinë e diktatorit banon Edi Rama. Kjo çoi në një urrejtje të jashtëzakonshme. Por Rama nuk banonte aty, banonte te vila e Mehmet Shehut. Edi Rama të dimë ku je, në Surrel ose te Vila e Mehmet Shehut”, tha mes të tjerash Berusha. Versus.al

Kryeministri Edi Rama ka reaguar në rrjetin social ‘’X’’ ndërkohë që PD po zhvillon protestën e radhës në formë marshimi.

Duke publikuar foto nga sulmi i SHBA në Iran, Rama shkruan se Shqipëria është krah botës së lirë kundër regjimit të mullahëve, ndërsa e krahasoi këtë me situatën në vend duke thënë se opozita është kundër qytetarëve të Tiranës.

‘’Shqipëria me botën e lirë kundër mullahëve të Teheranit, opozita shqiptare me plehrat kundër qytetarëve të Tiranës’’- shkruan Rama. Versus.al

Protestuesit e thirrur nga PD janë përplasur me policinë para drejtorisë së përgjithshme. Efektivët kanë lëshuar ujë dhe gaz lotsjellës për të shpërndarë protestuesit.

Për pasojë një pjesë e protestuesve janë shpërndarë. Një grup prej tyre qëndroi për t’u përplasur me efektivët. Njëri prej protestuesve ka humbur ndjenjat si pasojë e gazit lotsjellës. Versus.al

Gjatë marshimit drejt drejtorisë së policisë së shtetit, Sali Berisha foli për mediat duke thënë se protesta e sotme do të jetë në formë marshimi. Sa i takon drejtimit për tek policia, Berisha tha se bëhet për të treguar revoltën ndaj drejtorit Ilir Proda të cilin e konsideroi si pjesë të krimit të organizuar.

‘’Sot ka formën e një marshimi në rrugët e Tiranës për të shprehur zemërimin popullor ndaj kreut të organizatës kriminale të qeverisë shqiptare dhe anëtarëve të saj. Për t’i thënë Edi Ramës se jo një lubi, por edhe 30 lubi të largosh, do jesh vetëm ti objekti kryesor i revoltës popullore. Kazus i betejës tonë deri në largimin e tij është Edi Rama gjeneratori i të gjitha të këqijave të lidhura me pushtetin e tij. Largimi i njërit apo tjetrit përbëjnë vetëm sjellje të dëshpëruara për të ruajtur lëkurën e tij. Asgjë nuk e mbron dot atë nga revolta popullore.

Aty është një ndër kryebanditët, Ilir Proda për t’i thënë se aq sa ka faj Edi Rama, ka edhe ai si shërbëtor. Në zyrën e tij është edhe Ergys Agasi. Kjo nuk është ndaj policëve të thjeshtë, por ndaj këtij kryebanditi.’’- tha Berisha. Versus.al

Ndryshe nga herët e tjera, protestuesit e PD nuk hodhën molotovë para godinës së kryeministrisë, por duke ndjekur skenarin e përgatitur nga drejtuesit e partisë, nisi më pas një marshim drejt drejtorisë së Përgjithshme të policisë.

Ky vendim është marrë për shkak të akuzave të vazhdueshme të Berishës dhe drejtuesve të tjerë të PD të cilët e konsiderojnë policinë si të lidhur me krimin e organizuar. Versus.al

Ka nisur protesta e Partisë Demokratike para godinës së qeverisë. Kryedemokrati Sali Berisha i shoqëruar nga deputetët demokratë u nis në këmbë nga selia blu për t’ju bashkuar mijëra protestuesve të mbledhur.

Ajo çfarë është e pazakontë këtë herë është se nuk do të ketë fjalime dhe nuk ka podium të ngritur para kryeministrisë. Pritet të shihet se cili do jetë skenari i përgatitur nga drejtuesit e PD.

Për mbarëvajtjen e protestës janë angazhuar mbi 1300 policë në terren, pavarësisht se policia nuk e mori përsipër. Versus.al