Duke u ndalur tek debati për projektin e planifikuar në zonën e Zvërnecit, Rama i quajti pretendimet në rrjetet sociale si të pavërteta dhe të manipuluara.

Në fjalën e tij, pasditen e sotme gjatë një aktiviteti me strukturat e PS në Berat, Rama tha se janë përhapur aludime se zona e Zvërnecit dhe Vlora do të përdoren për vendosjen e grupeve të huaja.

Sipas tij, këto narrativa “skandaloze” përbëjnë dezinformim dhe janë shpërndarë nga individë dhe faqe në rrjete sociale që synojnë të nxisin frikë dhe ndasi në publik.

Ai akuzoi gjithashtu disa grupe që i cilësoi si “pseudo-myslimanë” për përhapjen e lajmeve të rreme dhe gjuhës së urrejtjes.

Rama tha se transformimi i vijës bregdetare ka ndikuar në rritjen e ndjeshme të vlerës së pronave në zonat turistike dhe se pronat i përkasin qytetarëve shqiptarë, duke hedhur poshtë pretendimet se zhvillimi përbën humbje të kontrollit mbi territorin.

Ai shtoi se projekti në Zvërnec, me një vlerë të përfolur prej miliarda eurosh, do të kalojë të gjitha procedurat ligjore dhe mjedisore, përfshirë studime të detajuara nga studio ndërkombëtare, përpara se të jepet leja përfundimtare e ndërtimit.

Kryeministri theksoi se protestat që kundërshtojnë zhvillimin turistik dhe ekonomik janë nga verbëria dhe keqdashja.

Edi Rama: Sot transformimi i gjithë vijës bregdetare pa filluar ky investim e ka rritur 4 fish vlerën e pronës. Ato janë prona të shqiptarëve. Ça do me thënë kjo që Shqipërinë nuk ja japim të huajve.

Ça do me thënë që Shqipëria është e shqiptarëve. Kush e ka vënë në diskutim. Puna si do ti bëjmë shqiptarët që të ndjehen në shtëpi. Si qytetarët të barabartë me vendet e tjera, apo që ka mundësi të bëhet konkurrues por nuk bëhet se ka frikë. Kush proteston duhet të nxjerrë projekti për cilin proteston?

Nuk kanë si e nxjerr, se projekti nuk ka dalë akoma, se po punohet për 3 vitesh, në emrin tuaj në interesin e shqiptarëve kemi mbajtur gjatë gjithë kohës një qëndrim shumë kërkues për një projekt që do sjellë 4 mld euro në Shqipëri.

Kemi qenë shumë kërkues për të gjitha këto shqetësime që kanë ata që bien pre e manipulatorëve e disa pseudo myslimanëve që përhapin një legjendë skandaloze që Zvërneci është  shitur te Izraeli dhe aty do vijnë palestinezët.

Madje përhapin dhe video ku kërkojnë emrin mbiemrin e atij rojes që bëri atë akt skandaloz dhe e duan sepse duan ta vrasin dhe e thonë. Dhe vënë lek, euro në ato faqe  e tyre të ndyra. Duke i bërë thirrje urrejtjes. Duke përdorur manipulimin e rrjeteve sociale. Ça myslimanësh janë ata? Versus.al

Kryeministri Edi Rama ka komentuar sërish debatin publik mbi projektin e madh turistik të planifikuar në zonën e Zvërnec, gjatë një aktiviteti në Berat me rastin e 35-vjetorit të themelimit të degës së Partia Socialiste e Shqipërisë në qark.

Në fjalën e tij, Rama e ka cilësuar investimin si një mundësi të rëndësishme për zhvillimin ekonomik të vendit, duke theksuar se projekte të tilla janë të dëshirueshme për çdo shtet që synon rritje të qëndrueshme ekonomike dhe zhvillim të sektorit të turizmit.

Sipas tij, debati publik nuk duhet të fokusohet vetëm te një projekt i veçantë, por te vizioni afatgjatë i zhvillimit të ekonomisë shqiptare dhe rritjes së prodhimit të brendshëm bruto, ku turizmi mbetet një nga shtyllat kryesore.

“Debati është se çfarë Shqipërie do të kemi pas 15 vitesh,” u shpreh Rama, duke shtuar se rritja e cilësisë së turizmit është thelbësore për pagat, ekonominë dhe zhvillimin e përgjithshëm të vendit.

Ai argumentoi se investimet e mëdha mund të sjellin ndikim të gjerë ekonomik, përfshirë zhvillimin e infrastrukturës, rritjen e të ardhurave në sektorë të ndryshëm dhe rritjen e vlerës së pronave në zonat turistike. Sipas tij, modelet e turizmit masiv dhe investimet e vogla nuk mjaftojnë për të garantuar zhvillim afatgjatë.

Duke iu referuar kritikave ndaj projektit në Zvërnec, kryeministri theksoi se Shqipëria duhet të shfrytëzojë mundësitë për të tërhequr investime të huaja dhe për të zhvilluar potencialin e saj turistik, veçanërisht në bregdet.

Edi Rama: Nuk mund të rri dot pa u ndalur te tema e ditës, e natyrës. Parku Kombëtar i Vjosës ka qenë pjesë e planit të PS. Nuk e kanë vënë nën mbrojtje ata që duan ta mbrojnë nga ne, e kemi vënë ne. Shqipërinë me 25% të territorit të mbrojtur, nga shumë herë më pak se sa e gjetëm, e kemi vizatuar ne, PS.

Të flasësh për zonat e mbrojtura, për peizazhet e mbrojtura në tërësi, dhe ti kthehesh PS, përfshi dhe mua, duke i parë si rreziku, ky është kulmi! Është një kulm që mund ta arrijë verbëria, e kombinuar me manipulimin. Kanjë protestës në Tiranë ku protestohet për të mbrojtur natyrën. Po kush e ka cënuar natyrën?

 Kush e vuri në rrezik biodiversitetin? U hoq nga zonë e mbrojtur Zvërneci? Po kush e hoqi? Çfarë zonë e mbrojtur ka qenë? Ka qenë zonë e mbrojtur e kategorisë 5.

Protestohet për çfarë? Debati real sot nuk është a do mbrohet apo jo diveristeti, pasi kjo është pjesë e pandashme e punës sonë përballë çdo diversitetiDebati është se çfarë Shqipërie do të kemi pas 15 vitesh. Si do ta rrisim prodhimin e brendshëm bruto, ku industrinë kryesore kemi turizmin.

Nëse mendojmë se do të rrisim GDP, pagat, pa rritur cilësinë e turizmit e kemi gabim.

Nëse ne mendojmë se do të vazhdojmë me investime të vogla dhe hotelet që sjellin vetëm turizmin masiv që ka qenë shumë i mirë por nuk është i qëndrueshëm.

Ata që mendojnë se është një turizëm që i vlen vetëm atyre që vijnë mendojnë gabim

Investime si ky i Zvërnecit është investim që do ti donte cdo vend dhe jo cdo vend I ka mundësitë ti ketë.

Janë investime që mobilizojnë bujqit, sistemin e transportit, mobilizojnë shumë të ardhura që shpërndahen, rritin vlerën e pronës së patundshme.

Transformimi i bregut të Vlorës i ka rritur vlerën pronës.

Çfarë do të thotë se “Shqipërinë nuk ja shesim të huajve”, “Shqipëria është e shqiptarëve”, kush e ka vënë në diskutim”, tha Rama. Versus.al

Kreu i PD, Sali Berisha, ka reaguar për herë të parë lidhur me projektin e resortit turistik të planifikuar në zonën e Zvërnec, një investim që kap vlerën e rreth 4 miliardë eurove.

Gjatë fjalës së mbajtur në seancën parlamentare sot pasdite, Berisha e cilësoi projektin si një nga investimet më të rëndësishme të huaja të viteve të fundit në Shqipëri.

Por ai akuzoi nga ana tjetër qeverinë se, po krijon klimë pasigurie për investitorët e huaj.

Sipas tij, vendi po përballet me një mungesë të investimeve të mëdha ndërkombëtare dhe largimi i investitorëve përbën një problem serioz për ekonominë shqiptare.

“Partia Demokratike mbështet investimet e huaja, të cilat janë jetike për zhvillimin ekonomik të vendit. Shqipëria nuk mund të përballojë largimin e investitorëve seriozë”, deklaroi Berisha.

Duke komentuar kundërshtimet e banorëve të zonës, të cilët pretendojnë se projekti prek prona që u përkasin atyre, lideri demokrat theksoi se e drejta e pronës duhet të respektohet plotësisht. Ai u shpreh se shteti ka detyrimin të verifikojë çdo pretendim, të hetojë çdo parregullsi të mundshme dhe, në rastet kur konstatohet cenim i të drejtave të qytetarëve, të garantojë dëmshpërblimin sipas vlerës së tregut.

Berisha argumentoi se investitorët nuk duhet të mbajnë përgjegjësi për konfliktet pronësore që mund të lindin pas miratimit të projekteve nga institucionet shtetërore.

Sipas tij, përgjegjësia për verifikimin e dokumentacionit dhe zgjidhjen e mosmarrëveshjeve bie mbi shtetin dhe organet kompetente.

Në fjalën e tij, ai kritikoi gjithashtu mënyrën se si janë trajtuar protestat e fundit në Zvërnec, duke e cilësuar si të papranueshëm trajtimin e një protestuesi nga forcat e rendit gjatë incidenteve të raportuara në zonë.

Sali Berisha: Por në gjithë këtë histori që shihni, investitori i vetëm në 13 vite është i huaj. Si ta largojmë dhe ta dëbojmë nga Shqipëria? Po ju them unë: prej 3 vitesh nuk ka asnjë investitor të huaj në tokën shqiptare. Trembëdhjetë vite thotë Europa: në asnjë tender në Shqipëri nuk janë futur kompani europiane. Një nga kompanitë më të fuqishme, që do të ndërtonte një resort turistik në Lalez, u largua.

Asnjë investitor i huaj. Çfarë po ndodh? Cili është qëndrimi i PD-së? Ne besojmë se investimet e huaja janë të një rëndësie jetike për zhvillimin e Shqipërisë, sikundër që gjatë periudhës që qeverisëm, në Shqipëri u garantuan investimet më të mëdha në historinë e këtij vendi. Vetëm në fushën e energjetikës, 2 miliardë euro.

Çfarë ndodh tani? Tani unë po ju them prapë: PD mbështet investimin e huaj dhe ju po largoni të vetmin investitor të huaj që ka mbetur në Shqipëri. Po e largoni. Vetë më tha ai: “Ju më votuat mua”. E hoqi maskën.

Britma për çështje pronësie? PD qëndron për respektin e plotë dhe absolut të së drejtës së pronës. Cila ka qenë zgjidhja në një kohë kur investoheshin miliarda këtu? Po qe se ke projekt të miratuar nga qeveria, me dokumente të firmosura nga institucionet zyrtare, kadastra dhe agjenci të tjera, dhe shteti ta miratonte projektin, askush tjetër nuk kishte më punë me investitorin.

Çdo qytetar, për çdo parregullsi, për çdo abuzim, kishte shtetin, i cili do ta dëmshpërblente atë me kushtet e tregut dhe më pas do të ndëshkonte me forcën e ligjit falsifikatorin dhe spekulantin. Ky ligj është në fuqi. Po ku keni ligj ju? Keni vetëm ligjin e xhepit. Versus.al

Duke folur për rrethimin e Zvërnecit përsa i takon zonës ku pritet të zhvillohet projekti me vlerë 4 miliardë dollarë nga Katari, kryeministri Edi Rama tha se kompania ishte e pajisur me leje të infrastrukturës në prill të këtij viti për të studiuar biodiversitetin e lagunës dhe më pas të ndërtojnë rrugëkalime për ta.

Ai e konsideroi “çmenduri” nxitjen e urrejtjes ndaj hebrenjve kur në fakt janë 2 investitorë nga Katari që do të zhvillojnë projektin. Sipas tij, Shqipëria duhet të zgjedhë nëse do të parakalojë Malin e Zi që është vendi me të ardhurat mesatare më të larta, apo të humbë këtë shans historik.

“Është e shkruar përpara kur ka ardhur kompania dhe është përballur me të gjitha vërejtjet për të përmirësuar projektin. Është kërkuar një grup pune. Leja  e infrastrukturës në prill 2026 është dhënë për vendosjen e pajisjeve të përkohshme që do përdoren për studimin e biodiversitetit të lagunës…ka nevojë për rrugëkalime që do vendosin pajisje që do bëjnë studimin e biodiverstietit dhe për këtë u dha leja u bë rrethimi dhe makineritë u morën me gurë pa kuptuar se çfarë po ndodh dhe çfarë po bëhet. Pasuritë objekt zhvillimi janë prone private. Të gjitha rezultojnë në pronësi të shoqëria albania land…Një çmenduri futja e urrejtjes për hebrenjtë dhe shfrytëzimi i dhimbjes së gazës nga ta që i thonë vetes myslimanë por janë pa din dhe iman duke i thënë shqiptarëve që po vijnë izraelite të marrin tokën. Janë dy bashkëpronarë nga Katari… Sot që flasim, investitorët kanë marrëveshje me Aman hotel, Sheval Blo është brandi më ekskluziv sot i cili është në Paris në Venecia dhe do vijë në Vlorë nëse së bashku do ja sigurojmë mirëseardhjen nëse do vazhdoni edhe ca ditë kështu do ndodhë tragjedia e Porto of Montegro por në përmasa të kësaj kohe. Porto of Montonegro që bëri fatin e Malit të Zi u ndërtua nga dikush që u sorollat në Shqipëri me vite, donte të bënte Portin e Durrësit dhe vajti në Mal të Zi. Sot Mali i Zi i ka pagat më të larta dhe të ardhura për frymë më të larta falë atyre investimeve që nuk pati frikë ti bëjë dhe nuk ua vuri shqelmin në fyt investitorëve… Që u ndërtua nga dikush që u sorollat ndër vite…Çfarë do zgjedhim, të shohim Malin e Zi nga mbrapa apo ta parakalojmë ma thoni dhe unë adaptohem sepse unë jam këtu me votën tuaj…”, theksoi ai. Versus.al

Kryeministri Edi Rama tha se në Zvërnec do të zhvillohet një projekt me vlerë 4 miliardë euro nga Katari dhe jo nga Izraeli siç pretendohet në rrjetet sociale. Ndërsa nuk i kurseu kritikat për besimtarët e besimit islam të cilët sipas tij kanë kryer krimin e ndaluar nga Kurani, atë të shpifjes.

“Partnerë të jashtëzakonshëm janë bërë bashkë për të investuar 4 miliardë euro. Jo si ndërtues që ndërtojnë, shesin dhe ikin, si ata që kanë ndërtuar pallate në Tiranë dhe ua kanë lënë banorëve që nuk marrin dot hipotekën, por si pronarë të terrenit të cilin e kanë blerë me para të mbikëqyrur në mënyrë strikte nga agjencia jonë e pastrimit të parave. Jo nga Izraeli, por nga Katari që nuk besoj se mund të konsiderohet nga ata që i thonë vetes myslimanë, por vetëm myslimanë nuk kanë, vetëm Allah nuk kanë sepse bëjnë përditë krimin e ndaluar nga Kurani duke helmuar njerëzit me shpifje”- deklaroi Rama. Versus.al

Kreu i qeverisë vijoi të mbronte qëndrimin e tij që në Zvërnec të ketë një projekt zhvillimi me arsyetimin se është votuar për ta çuar përpara vizionin e tij për turizmin në Shqipëri.

Sipas tij, Shqipëria nuk duhet të ketë frikë të hyjë në elitën e kampionëve të turizmit global.

“Cfarë më duhet mua karrigia, apo pushteti nëse më duhet të heq dorë nga vizioni i gjithë këtyre që kam ndarë me ju, të heq dorë nga ambicia për ta bërë Shqipërinë një vend që mos ta ketë zili askënd. Për çfarë më duhet mua karrigia, të vazhdoni jetën tuaj dhe pasnesër në vend të atij projekti të jashtëzakonshëm që përgatitet atje, të bëhet copëtimi i radhës, Golemi i radhës? Ju do rroni më shumë se unë dhe do shikoni se aftësia për ta rikthyer Shqipërinë tek Golemi është e gjallë dhe e gatshme po t’u bjerë prapë në dorë Shqipëria. Të heq dorë nga vizioni për ta bërë Shqipërinë një vend që nuk ka frikë të hyjë në ligën e kampionëve të turizmit global dhe të rrij këtu në pushtet duke bërë sikur udhëheëq një vend që trembet nga sfidat e mëdha të investimeve të kësaj lige. Shqipëria duhet të hyjë në elitën e turizmit global”- tha Rama. Versus.al

Kryeministri Edi Rama ka reaguar sot publikisht për të gjithë reagimet e shumta dhe protestën kundër projektit në Zvërnec duke thënë se edhe ai do të bënte po njësoj po të mos ishte kryeministër, madje edhe më keq.

Ai tha se këto ditë ka qenë në dilemë nëse duhet të tregojë të vërtetën për projektin, apo duhet të tërhiqet nga ky projekt duke u kërkuar falje qytetarëve.

“Ju kam dëgjuar, ju kam lexuar dhe ju kuptoj shumë mirë. Madje ju siguroj që në vendin tuaj edhe unë po njësoj do revoltohesha dhe do rreshtohesha kundër qeverisë dhe kundër kryeministrit sidomos. Sepse do më dukej e tmerrshme që disa roje private sigurie në sytë e policisë së shtetit tim, pas një gardhi me tela me gjemba të ulërinin si kafshë dhe të merrnin nga jashtëbrenda një njeri në të drejtën e vetë, ta tërhiqnin zvarrë nëpër plazhin e rrethuar dhe pastaj policia të thoshte se i zvarrituri tentoi të hynte me dhunë.

Ju kuptoj dhe duke patur parasysh se cfarë kam bërë kur kam qenë në anën tjetër të barrikadës, do të bëja edhe më keq se ju. Po të më thonin se ajo tokë është e shtetit dhe se shteti po ua fal të huajve. Madje kam vënë re se po përhapet gjithandej me shumë helm nga pas edhe legjenda se shteti po ia fal atë tokë Izraelit për të sjellë palestinezët në Zvërnec, po të më thonin se ajo ishte zonë e mbrojtur dhe qeveria e hoqi nga mbrojtja për ta falur tek të huajt. Apo se aty do pastrohen paratë e zeza të mafias ndërkombëtare. Janë shkruar duke ngritur një dallgë zemërimi dhe duke bërë thirrje për të mbrojtur atdheun në rrezik. Kam dy ditë që e pyes veten a duhet vërtet t’ua tregoj unë një e nga një anën tjetër të kësaj medalje me mundësinë që ju të mos më besoni dhe të vijoni të më quani tradhtar, apo mos vallë duhet t’ju them më falni, gabuam, nuk e gjykuam mirë këtë punë dhe jut ë qetësoheni të shijoni fitoren, e një kauze që e parë nga ana juaj e medaljes, është vërtet fisnike dhe të mendoni se vërtet e mbrojtët Shqipërinë nga një e keqe e madhe. Ndërsa unë pasi ta bëj këtë të vazhdoj të rri në karrige, të shtyj kohën e pushtetit me shijen e një humbje të madhe për Shqipërinë”- u shpreh Rama mes të tjerash. Versus.al