Kryeministrat Edi Rama dhe Albin Kurti u takuan pas seancës së përbashkët në Kuvendin e Kosovës dhe nënshkruan marrëveshjen për Lojërat Olimpike Mesdhetare.

Takimi mes dy shefave të ekzekutivit Tiranë-Prishtinë e zgjati vetëm 5 minuta, ndërsa më pas u shtrua dreka e përbashkët zyrtare.

Parlamenti i Shqipërisë dhe i Kosovës mbajtën sot një seancë të përbashkët në Prishtinë.

Në këtë mbledhje ishin të pranishëm 130 deputetë, ku 70 ligjvënës ishin nga Kuvendi i Kosovës dhe 60 të tjerë nga Kuvendi i Shqipërisë.

Pjesë e seancës ishin edhe kryeministrat Edi Rama dhe Albin Kurti, së bashku me presidenten e Kosovës, Vjosa Osmani.

Kjo është mbledhja e dytë e përbashkët e dy parlamenteve. Ligjvënësit e të dy shteteve u mblodhën  të dielën e 27 Nëntorit 2022 në Parlamentin Shqiptar, në vigjilje të 110-vjetorit të Pavarësisë.

Momenti kur Rama i dërgon letër kreut të qeverisë

Teksa kreu i Aleancës për Akmërinë e Kosovës, Ramush Haradinaj akuzonte Kurtin për lidhje me Rusinë gjatë fjalimit në foltore, kryeministri Edi Rama përfitoi nga momenti për t’i çuar një letër homologut të tij.

Në pamjet e filmuara, duket momenti kur Rama i kërkon një prej anëtarëve të gardës t’i kalojë Kurtit një letër të shkruar prej tij në ato momente. Punonjësi i sigurisë i dha letrën Kurtit i cili nuk e lexoi menjëherë por qëndroi me vështrim drejt sallës së Kuvendit. Për të parë videon Klikoni këtu! Versus.al

Kryeministri i Kosovës, Albin Kurti gjatë fjalës së tij në kuadër të mbledhjes së përbashkët të dy Kuvendeve e vuri theksin tek përpjekjet më të mëdha për të ndihmuar shqiptarët që jetojnë jashtë kufijve të 2 shteteve.

Ai vuri në dukje se në buxhetin e vitit të ardhshëm janë alokuar 4 mln euro për shqiptarët në Luginën e Preshevës, të cilët janë komuniteti etnik më i diskriminuar në Evropë. Ndërsa tha se një gjë e tillë duhet të shërbejë si shembull edhe për Shqipërinë.

“Shqiptarët në serbi janë komuniteti etnik më i diskriminuar në Evropë. Prandaj ata meritojnë vëmendjen më të madhe në bashkërendimin e politikave rajonale të Kosovës e Shqipërisë. Në buxhetin e vitit të ardhshëm kemi ndarë 4 milionë euro për Preshevën. Uroj të shërbejë si një shembull edhe për Shqipërinë. Të dy vendet po marrin përgjegjësinë që u takon lidhur me anëtarësimi në BE”- deklaroi Kurti. Versus.al

Teksa mbante fjalën e tij në foltoren e Kuvendit të Kosovës, kryeministri Edi Rama foli edhe për procesin gjyqësor që po zhvillohet në Gjykatën e Hagës ndaj 4 ish-komandantëve të UÇK-së.

Duke e cilësuar si mbajtje peng dhe të parregullt procesin, Rama shprehu edhe habinë për faktin se Kuvendi i Kosovës nuk ka miratuar një rezolutë ku t’u kërkojë vendeve financuese të gjykatës ngritjen e një komisioni verifikimi për procesin që po zhvillohet.

“Unë nuk vij dot deri këtu në Prishtinë dhe pastaj ta gëlltis në heshtje në këtë foltore para jush në mungesë të Hashimit, Rexhepit, Jakupit dhe Selimit është nyja e mbledhur në fyt nga një dyshim shumë i madh se a proces është proces i parregullt ligjor. Dhe se normat e standartet e tij janë nënstandarte të drejtësisë të të gjithë vendeve që e financojnë atë farë gjykate. Unë nuk rri dot pa e thënë këtu vëllazërisht çudinë time për faktin se në këtë sallë nuk është marrë një nismë për t'ju kërkuar përmes një resolute të gjitha vendeve financuese të asaj gjykate shqetësimin e madh mbi standartet e këtij procesi dhe për të kërkuar ngritjen e një komisioni verifikimi për këtë proces gjyqësor. Ndoshta ky shqetësim gjerësisht i përhapur mund të mos qëndrojë, por nëse qëndron atë herë kjo është një gjëmë e madhe”- deklaroi kryeministri Rama.

Ai tha se në rast të një rezolute të tillë, Partia Socialiste do të jepte mbështetje të plotë në Kuvendin e Shqipërisë për ta dërguar më pas në BE. Versus.al

Kryeministri Edi Rama e nisi fjalën e tij duke renditur arritje të bëra nga Shqipëria në vitet e fundit, ndërsa kujtoi edhe porositë e dhëna nga ish-presdenti i ndjerë Ibrahim Rugova për faktorin shqiptar në Ballkan.

Ndër të tjera ai i cilësoi si të papranueshme sanksionet e vendosura nga ana e Bashkimit Europian ndaj Kosovës dhe theksoi se së bashku me presidenten Vjosa Osmani kishin këmbëngulur për heqjen e tyre.

“Plot 20 vite më parë, në vitin 2004 presidenti Ibrahim Rugova tha diçka edhe për ne sot, duke na kujtuar “objektivat e përbashkëta të Kosovës e Shqipërisë, janë anëtarësimi në BE, NATO dhe miqësi me SHBA”. E themi me bindje të plotë se shqiptarët kanë shansin historik të hyjnë me vlerat e tyre në familjen e BE”. Këto fjalë janë gjithçka na mjafton për të mos e humbur objektivin historik dhe për të mos e hequr nga mendja se këtë shans historik shqiptarët mund ta shfrytëzojnë me sukses si trimi i mirë me shokë shumë. Ndërkohë që Shqipëria ecën me hapa të shpejtë për tu bashkuar me Evropën, përfytyrojeni sesa krenarë do i bënim të gjithë shqiptarët kudo që jetojnë nëse në këtë udhëtim të jemi krah për krah me Kosovën. Sikur në sofrën e kombeve të Ballkanit të ishim së bashku në krye të vendit, si mishërim i vlerave evropiane në këtë rajon ku jemi i vetmi komb që flet një gjuhë po aq të vjetër sa vetë gjeneza e perëndimit. Dëshira ime është që të mos jemi njëri në tryezën e negociatave për anëtarësim në BE dhe tjetri në listën e sanksioneve të cilat janë absurditet absolut.

Së bashku me presidenten Vjosa Osmani në samitin e BE dy ditë më parë kemi këmbëngulur me forcë që ato masa të hiqen.  Kemi siguruar që të gjitha fondet e BE që janë penguar të lëvrohen për shkak të atyre masave, të mos digjen”- tha Rama.

Ai deklaroi se duhet që e gjithë barra e mos-veprimit për normalizimin e marrëdhënieve, t’i lihet Serbisë.

“Duhet të jemi dorë për dore për të bindur edhe shtetet e BE për absurditetin e mosnjohjes së Kosovës si shtet evropian. Barra duhet t’i bjerë vetëm Serbisë, po kurrsesi nuk duhet të lejojmë që qoftë edhe një gram t’i bjerë Kosovës. Ne duam që Kosova të njihet një ditë e më parë nga të gjitha ato vende në Evropë që ende nuk e kanë bërë. Përfshirë edhe nga Serbia që është mundur në luftë 20 e ca vite më parë nga Kosova. Pezmatimi i aleatëve strategjikë me Kosovën na pengon të bëjmë aq sa do donim në këtë situatë kur të gjitha yjet janë rreshtuar në krah të shqiptarëve”- shtoi kryeministri. Versus.al

I pari që mbajti fjalën në mbledhjen e përbashkët të dy Kuvendeve të Shqipërisë e Kosovës, ishte kryeparlamentari Glauk Konjufca i cili e përqendroi fjalimin e tij tek marrëdhëniet mes dy vendeve dhe situata aktuale e dialogut me Serbinë.

Duke e përmendur faktin që Kosova është cilësuar si shtet kampion i demokracisë në Ballkan, Konjufca tha se kjo është arritje me cilën krenohen gjithë shqiptarët. Ndërsa theksoi se Serbia nuk dëshiron normalizim të marrëdhënieve me Kosovën.

“Kosova mbetet një kampion i demokracisë në rajon, e vlerësuar edhe nga institucionet perëndimore dhe për këtë duhet të krenohemi ne si popull. Shqiptarët kanë qenë gjithmonë aleati më i natyrshëm i perëndimit në Ballkan.

Falenderojmë Shqipërinë për mbështetjen dhe mbrojtjen e zëshme të çështjes së Kosovës në çdo arenë të rëndësishme ndërkombëtare. E drejta e Kosovës për mbrojtjen e sovranitetit, nuk mund të konsiderohet në asnjë mënyrë cënim i fqinjësisë dhe as përshkallëzim. Është Serbia ajo që as nuk na e pranon as statusin e fqinjit, por ambiciet e saj hegjemoniste ndaj Kosovës vazhdon t’i ketë të kodifikuara në kushtetutën e saj”- deklaroi Konjufca. Versus.al

Mbledhja e dy Kuvendeve të Shqipërisë e Kosovës nis me këndimin e himnit kombëtar.

130 deputetë janë të pranishëm në sallë, po ashtu edhe kryeministrat Edi Rama e Albin Kurti në seancën e kryesuar nga dy kryeparlamentarët Elisa Spiropali e Glauk Konjufca.

Të gjithë deputetët janë ngritur në këmbë dhe kanë duatrokitur pas himnit kombëtar të kënduar në sallën e seancës plenare të përbashkët. E pranishme në sallë është edhe presidentja e Kosovës, Vjosa Osmani. Versus.al

Kryeministri Edi Rama dhe ambasadori i Shqipërisë në Kosovë, Petrit Malaj

Kryeministri Edi Rama ka mbërritur në Prishtinë ku sot do të mbahet mbledhja e përbashkët e dy Kuvendeve të Kosovës e Shqipërisë.

Rama dhe Albin Kurti do të mbajnë fjalimet e tyre në përfundim të të gjithë fjalimeve të tjera. Fokusi i mbledhjes do të jetë edhe bërja e një bilanci të zbatimit të 30 marrëveshjeve të përbashkëta ndërqeveritare.

Kjo është hera e dytë që Kuvendet e dy vendeve mblidhen. Për herë të parë u mblidhën më 27 nëntor të vitit 2022 në Kuvendin e Shqipërisë në kuadër të 110 vjetorit të pavarësisë. Versus.al

Për herë të dytë, Shqipëria dhe Kosova mblidhen sot në një Kuvend të përbashkët. Seanca do të mbahet në Prishtinë ku do të mblidhen 130 deputetë në total përfshirë dy kryeministrat Albin Kurti dhe Edi Rama.

Synimi i seancës është koordinimi i agjendave kombëtare të dy vendeve për të realizuar objektivat strategjike siç janë rritja e kontributit të faktorit shqiptar për zhvillimin, paqen dhe sigurinë në rajon.

Kryeparlamentari Glauk Konjufca do jetë i pari që do të mbajë fjalën e më pas do të pasohet nga homologia e tij Elisa Spiropali duke vazhduar më tej me krerët e grupeve parlamentare të dy vendeve. Ndërsa Kurti dhe Rama do të flasin të fundit.

Nga Shqipëria do të marrin pjesë 56 deputetë, por në listën e bërë publike vihet re mungesa e kryedemokratit Sali Berisha dhe e deputetit Lulzim Basha i cili aq shumë flet për marrëdhëniet mes dy vendeve.

Agjenda e seancës së përbashkët plenare të Kuvendit të Kosovës dhe Kuvendit të Shqipërisë

-06:00 Nisja nga Tirana në mënyrë të organizuar me autobuzë nga Kryesia e Kuvendit

-10:30 Arritja në Sallën e Seancave Plenare të Kuvendit të Kosovës

-11:00  Hapja e aktivitetit me ekzekutimin e Himneve Kombëtar

-Fillon Seanca e përbashkët plenare në Kuvendin e Kosovës

-Glauk Konjufca, Kryetar i Kuvendit të Republikës së Kosovës

-Elisa Spiropali, Kryetare e Kuvendit të Republikës së Shqipërisë

-Mesila Doda, Kryetare e Grupit Parlamentar Demokraci dhe Integrim, Kuvendi i Shqipërisë

-Besnik Tahiri, Kryetar i Grupit Parlamentar të Aleancës për Ardhmërinë e Kosovës, Kuvendi i Kosovës

-Fatmir Mediu  Anetar i Grupit Parlamentar  Aleanca për Ndryshim, Kuvendi i Shqipërisë

-Enis Kervan, Kryetar i Grupit Parlamentar  Multietnik, Kuvendi i Kosovës

-Arben Gashi, Kryetar i i Grupit Parlamentar  të Lidhjes Demokratike të Kosovës, Kuvendi i Kosovës

-Gazment Bardhi, Kryetar i Grupit Parlamentar të Partisë Demokratike, Kuvendi i Shqipërisë

-Abelard Tahiri, Kryetar i Grupit Parlamentar të Partisë Demokratike të Kosovës, Kuvendi i Kosovës

-Niko Peleshi, Kryetar i Grupit Parlamentar  të Partisë Socialiste, Kuvendi i Shqipërisë

-Mimoza Kusari-Lila, Kryetare e Grupit Parlamentar të Lëvizjes Vetëvendosje, Kuvendi i Kosovës

-Edi Rama, Kryeministër i Republikës së Shqipërisë

-Albin Kurti, Kryeministër i Republikës së Kosovës

Deputetët pjesëmarrës:

Grupi Parlamentar i Partisë Demokratike

1- Gazment Bardhi

2- Flamur Hoxha

3- Isuf Cela

4-Lefter Gështenja

5-Ramadan Likaj

6-Xhelal Mziu

7-Asllan Dogjani

8-Dashnor Sula

9-Eralda Bano

10- Ferdinand Xhaferri

11- Ina Zhupa

12- Kastriot Piroli

13- Kreshnik Collaku

14- Lindita Metaliaj

15- Luan Baçi

16- Orjela Nebiaj

17- Qani Xhafa

18- Saimir Korreshi

19- Tomorr Alizoti

20- Andia Ulliri

Grupi Parlamentar i Partisë Socialiste

1. Niko Peleshi|

2. Bledar Cuci

3. Klotilda Bushka

4. Eduard Ndreca

5. Toni Gogu

6. Ermonela Valikaj

7. Pandeli Majko

8. Xhemal Qefalia

9. Olta Xhacka

10. Saimir Hasalla

11. Denis Deliu

12. Plarent Ndreca

13. Arkend Balla

14. Evis Kushi

15. Desantila Tahiraj

16. Lindita Buxheli

17. Teuta Ramaj

18. Ilir Topi

19. Petro Koci

20. Eduard Shalsi

21. Blerina Gjylameti

22. Eni Zake

23. Antoneta Dhima

24. Milva Ekonomi

25. Vullnet Sinaj

26. Pranvera Resulaj

27. Frrok Gjini

28. Mimi Kodheli

29. Etjen Xhafaj

30. Blendi Klosi

31. Lavdrim Krrashi

32. Nasip Naco

33. Bardhyl Kollcaku

34. Fadil Nasufi

35. Edona Bilali   

36. Mirela Pitushi. Versus.al