Çfarë do të gjeni në brendësi
*Vendet e Paqësorit Jugor janë të parat që i japin lamtumirën vitit 2025. Ishulli i vogël i Kiritimatit vendosur në jug të Havait dhe në verilindje të Australisë, u bë vendi i parë që e mirëpriti vitin e ri 2026. *Aucklandi në Zelandën e Re e festoi vitin 2026 me një shfaqje fishekzjarrësh në qendër të qytetit të nisur nga struktura më e lartë e Zelandës së Re, me nje shfaqje pesëminutëshe përfshinte 3,500 fishekzjarrë të lëshuar nga kate të ndryshme të Sky Toëer prej 240 metrash.
Hong Kong feston Vitin e Ri 2026 pa fishekzjarrë pas zjarrit tragjik
Fishekzjarrët zakonisht janë pjesa qendrore e festimeve të Vitit të Ri në Hong Kong. Por jo këtë vit.
Vendi festoi vitin 2026 pa shpërthime spektakolare dhe me ngjyra në qiell mbi Portin ikonë Victoria, pas një zjarri masiv në nëntor të këtij viti që la të vdekur të paktën 161 persona.
Bordi i turizmit i qytetit, në vend të fishekzjarrëve, organizoi një shfaqje muzikore mbrëmjen e së mërkurës me dyshen e soft rock-ut Air Supply dhe këngëtarë të tjerë në Central, një zonë biznesi që gjithashtu është e njohur për jetën e natës në Lan Kwai Fong.
Fasadat e tetë monumenteve u shndërruan në orë gjigante numërimi mbrapsht, duke prezantuar një shfaqje tre-minutëshe dritash në mesnatë.
Fishekzjarrët kanë qenë prej kohësh pjesë e festimeve të qytetit për Vitin e Ri, Vitin Lunar dhe Ditën Kombëtare.
Shfaqjet piroteknike kundër horizontit të famshëm të Hong Kongut të mbushur me qiellgërvishtëse zakonisht tërheqin qindra mijëra njerëz, përfshirë shumë turistë, në të dyja anët e promenade./Versus.al
VIDEO/ Zelanda e Re mirëpret 2026-ën me një shfaqje spektakolare fishekzjarrësh
Aucklandi në Zelandën e Re e festoi vitin 2026 me një shfaqje fishekzjarrësh në qendër të qytetit të nisur nga struktura më e lartë e Zelandës së Re, Sky Tower, duke e bërë atë qytetin e parë të madh që përshëndeti vitin e ri me një festë të zbehur nga shiu.
Vendet e Paqësorit Jugor janë të parat që i japin lamtumirën vitit 2025. Ora shënon mesnatën në Auckland, një popullsi prej 1.7 milionë banorësh.
Shfaqja pesëminutëshe përfshinte 3,500 fishekzjarrë të lëshuar nga kate të ndryshme të Sky Tower prej 240 metrash. Ngjarjet më të vogla të komunitetit u anuluan në të gjithë Ishullin Verior të Zelandës së Re të mërkurën për shkak të parashikimeve për shi dhe stuhi të mundshme.
Australia planifikon festime sfiduese pas të shtënave më të këqija masive në vend
Bregu lindor i Australisë mirëpret vitin 2026 dy orë pas Zelandës së Re, por në Sydney, qytetin më të madh të vendit, festimet do të mbahen nën hijen e të shtënave më të këqija masive në Australi në pothuajse 30 vjet. Versus.al
2026 mbërrin në Paqësor, ishulli i vogël pret i pari në botë vitin e ri
Ishulli i vogël i Kiritimatit u bë vendi i parë që e mirëpriti vitin e ri 2026.
Është pjesë e kombit të Oqeanit Paqësor, Kiribati, i vendosur në jug të Havait dhe në verilindje të Australisë. Është i përbërë nga disa atole - shkëmbinj koralorë në formë unaze dhe shtrihet në pothuajse 4,000 km nga lindja në perëndim.
Kiribati - shqiptohet Kiribass - u bë i pavarur nga Mbretëria e Bashkuar në vitin 1979. Shtëpia e rezervës më të madhe detare të Paqësorit Jugor, shumë prej atoleve janë të banuara; shumica e tyre janë shumë të ulëta dhe në rrezik nga rritja e nivelit të detit si rezultat i ngrohjes globale.
Arkipelagu ka një popullsi prej rreth 116,000 banorësh. Pavarësisht se është pothuajse direkt në jug të Havait, Kiribati feston Vitin e Ri një ditë të tërë më herët. Versus.al
