Çfarë do të gjeni në brendësi
*Kanë përfunduar në orën 18:00 të kësaj të diele (23 shkurt 2025) zgjedhjet parlamentare në Gjermani. *Partia kristiandemokrate CDU/CSU ka fituar zgjedhjet parlamentare në Gjermani me 29% të votave, sipas exit poll-eve të para të publikuara nga televizioni publik Ard. *E djathta ekstreme AfD ka arritur një sukses të madh, duke kaluar nga 10% në vitin 2021 në 19,5%, dhe është bërë forca e dytë politike në vend. *SPD, partia e kancelarit në largim Olaf Scholz, pëson një rënie të ndjeshme, duke zbritur në 16%. *Presidenti i SHBA-së Donald Trump vlerëson fitoren e CDU/CSU në Gjermani
Zgjedhjet federale në Gjermani, DW: Cili koalicion mund të qeverisë? Sa deputetë do të ketë secila parti në parlamentin e ri?
Votuesit vendosën. Pas parashikimeve të bazuara në sondazhet paszgjedhore kancelari gjerman, Olaf Scholz, pranoi humbjen e SPD-së. Gjermania gjendet tani para një ndryshimi të qeverisë.
Zgjedhjet federale 2025 – prognozat e para
Kancelari gjerman, Olaf Scholz, pranoi humbjen e SPD-së në zgjedhjet federale. “Ky është një rezultat i hidhur zgjedhor për Partinë Socialdemokrate, dhe gjithashtu edhe humbje në zgjedhje”, tha kandidati i SPD-së për kancelar pas prognozave të para pas mbylljes së qedrave të votimit.
Këto janë parashikimet më të fundit të rezultateve të zgjedhjeve parlamentare të përditësuara në kohë reale.
Sipas parashikimit të institutit për demoskopinë Infratest-dimap, CDU/CSU pritet të fitojë shumicën e votave, e ndjekur nga AfD-ja me rreth 19.5 për qind. Kurse SPD dhe të Gjelbërit pritet të fitojnë përkatësisht 16.0 dhe 13.5 përqind të votave.
Sa u përket partive më të vogla, Partia E Majta ndoshta do ta kapërcejë pragun prej pesë për qind dhe do të hyjë në parlament.
Për partinë liberale FDP me kandidatin kryesor Christian Lindner nuk është ende e sigurt nese do të arrijnë të hyjnë në Bundestag, pra të kalojnë pragun prej pesë përqind. Kurse Aleanca Sahra Wagenknecht (BSW) duket se e kaloi pragun e 5%.
Humbës dhe fitues
Këto zgjedhje ishin një lloj “larjeje hesapi” me koalicionin mes SPD, Të Gjerbërve dhe FDP. Të tria partitë që ishin në qeveri deri tani humbën, ndërkohë që tri parti opozitare fituan.
Cili koalicion mund të qeverisë Gjermaninë?
Bashkimi CDU/CSU i fitoi zgjedhjet federale, por arriti një nga rezultatet më të dobëta në zgjedhjet në Gjermani. Friedrich Merz-it do t’i duhet tani të zhvillojë me partnerët e mundshëm bisedime për një koalicioni qeveritar. Deri tani nuk është ende e qartë nëse CDU/CSU do të ketë nevojë vetëm për një partner tjetër, apo nëse do t’i duhet të krijojë një aleancë me tri parti, në rast se FDP ose BSW hyjnë në Bundestag./DW
Trump vlerëson fitoren e CDU/CSU në Gjermani: Ditë e madhe për Berlinin dhe për SHBA
“Është një ditë e madhe për Gjermaninë dhe për Shtetet e Bashkuara nën lidershipin e Trump. Urime të gjithëve”.
Kështu është shprehur vetë Donald Trump në rrjetin e tij social Truth, duke komentuar rezultatin e zgjedhjeve në Gjermani.
“Duket se partia konservatore në Gjermani ka fituar me diferencë të madhe. Ashtu si në SHBA, edhe gjermanët janë lodhur nga politika pa sens, veçanërisht në çështjet e energjisë dhe imigracionit, që ka mbizotëruar për shumë vite.
Kjo është një ditë e madhe për Gjermaninë dhe për Shtetet e Bashkuara nën lidershipin e një zotërie të quajtur Donald Trump. Urime të gjithëve, shumë fitore të tjera do të vijnë”, ka deklaruar Trump.
Deklarata e parë e Olaf Scholz pas humbjes së thellë në zgjedhje: Unë jam përgjegjës për rezultatin
Kancelari në largim dhe humbësi i zgjedhjeve të kësaj të diele, Olaf Scholz ka reaguar për herë të parë pas publikimit të rezultateve të para të Exit poll-eve.
Përmes një postimi, Scholz ka pranuar humbjen e këtyre zgjedhjeve duke bërë veten përgjegjës për këtë rezultat.
“Kemi një rezultat të hidhur, është humbje në zgjedhje dhe duhet ta them qartë. Për mua është e rëndësishme që është rezultat nga i cili duhet të fillojmë dhe të ecim përpara”, tha Olaf Scholz, teksa më tej ka falënderuar ata që morën pjesë në fushatën zgjedhore.
“Socialdemokratët bënë një luftë të fortë. Dhe për këtë arsye, me një rezultat të tillë, ju falënderoj për aktivitetin tuaj”, tha ai.
Olaf Scholz tha se herën e kaluar, rezultati ishte më i mirë dhe ai ishte përgjegjës, ashtu si tani. Megjithatë, ai përgëzoi Kristian Demokratët e Friedrich Merz për fitoren e tyre në zgjedhje.
Më herët reagoi edhe sekretari i Përgjithshëm i SPD-së, Matthias Miersch, i cili e cilësoi humbjen si historike dhe mbrëmjen e kësaj të diele si “të hidhur” për partinë, i formuar nga SPD-ja ka dështuar dhe është rrëzuar me votë nga qytetarët gjermanë.
Matthias Meersch tha se është radha e Kristian Demokratëve për të formuar një qeveri, ndërsa përgjegjësia për qeverisjen i kalon kreut të CDU-së Friedrich Merz.
Zyrtari nuk tha nëse socialdemokratët do të marrin pjesë në qeverinë e re, duke shtuar se fjalën e fundit do ta kenë anëtarët e partisë./Versus.al
Zgjedhjet në Gjermani/ Votuesit vendosën: CDU/CSU dhe AfD para SPD dhe të Gjelbërve
Zgjedhjet federale 2025 - prognozat e para
Kancelari gjerman, Olaf Scholz, pranoi humbjen e SPD-së në zgjedhjet federale. “Ky është një rezultat i hidhur zgjedhor për Partinë Socialdemokrate, dhe gjithashtu edhe humbje në zgjedhje”, tha kandidati i SPD-së për kancelar pas prognozave të para
pas mbylljes së qedrave të votimit.
Sipas parashikimit të institutit për demoskopinë Infratest-dimap, CDU/CSU pritet të fitojë shumicën e votave, e ndjekur nga AfD-ja me rreth 19.5 për qind. Kurse SPD dhe të Gjelbërit pritet të fitojnë përkatësisht 16.0 dhe 13.5 përqind të votave.
Sa u përket partive më të vogla, Partia E Majta ndoshta do ta kapërcejë pragun prej pesë për qind dhe do të hyjë në parlament.
Kurse për partinë liberale FDP me kandidatin kryesor Christian Lindner dhe Aleancën Sahra Wagenknecht (BSW) nuk është ende e sigurt nese do të arrijnë të hyjnë në Bundestag, pra të kalojnë pragun prej pesë përqind.
Këto janë parashikimet më të fundit të rezultateve të zgjedhjeve parlamentare të përditësuara në kohë reale./DW
Zgjedhjet në Gjermani, mbyllet procesi i votimit, publikohen Exit Poll-et e para
Exit-Poll-et në Gjermani nxjerrin fitues CDU/CSU, megjithëse një rezultat të rëndësishëm ka arritur AfD, që renditet e dyta si forca më e votuar duke dyfishuar kështu votat.
Tashmë kutitë e votimit janë mbyllur dhe Exit-Pollet kanë parashikuar fituesin.
Partia konservatore CDU/CSU pritet të jetë partia më e madhe në parlamentin e ardhshëm gjerman, me rreth 29% të votave, me Friedrich Merz favorit për të qenë kancelari i ardhshëm i Gjermanisë.
Ky është parashikimi i parë për zgjedhjet parlamentare 2025 pas mbylljes së qendrave të votimeve sipas DW:
Interpretime dhe skenarë
Demokristianët (CDU/CSU) janë, siç pritej, fitues të zgjedhjeve, me një përqindje prej vetëm 29%, që megjithatë dëshmon se ata nuk kanë potencial për të fituar dhe ka gjasa të shkaktojnë ankesa në zyrat e mesme dhe të ulëta të partisë.
Alternativa e ekstremit të djathtë për Gjermaninë (AfD) me 19.5%% ka dyfishuar përqindjen e saj dhe ka çdo arsye për të festuar. Ajo është fituesja e zgjedhjeve si në numër ashtu edhe nga përshtypjet. Ajo ka imponuar axhendën e saj dhe po tërheq gjithë vëmendjen e miqve dhe kundërshtarëve në Evropë.
Për socialdemokratët (SPD), 16% është një humbje shumë e thellë. Optimizmi që Olaf Scholz po përpiqej të përcillte deri në momentin e fundit dukej joreal dhe kështu doli. E ardhmja e tij në karrierën politike duket se është vulosur, ndërkohë që mundësia për të marrë pjesë si partner i vogël në një qeveri koalicioni me kristiandemokratët nuk është pikënisja më e mirë për një proces rinovimi
Liberalët (FDP) duket se janë në 'buzë të një shkëmbi' dhe mbetet për t'u parë nëse do të arrijnë të shmangin rënien. Ata lëvizin rreth kufirit prej 5%. Megjithatë, ata nuk do të jenë partnerët më të kërkuar të qeverisë në një koalicion që sërish do të ketë nevojë për tre partnerë.
Për të Majtën (Die Linke), shifra 8.5% duhet të konsiderohet e kënaqshme nëse kujtohet se në fund të vitit 2024, të gjithë ishin çregjistruar.
Me finalizimin e rezultateve dhe shpërndarjen përfundimtare të vendeve, do të mund të flitet më shumë për zgjedhjet për ditën e nesërme.
