Brenda ambienteve të Big Brother Vip Kosova, një tjetër histori prekëse ka bërë jehonë. Pas rrëfimit të Anisës, e cila me lot në sy zbuloi se përballet me skoliozën dhe kifoza, një tjetër banor e kishte të vështirë t’i mbante brengat përbrenda.
Boksieri Drilon Rama ka zgjedhur të ndajë me Sarën përjetimet e tij të dhimbshme që e shoqërojnë që nga fëmijëria. Ai ndau shqetësimin e tij në lidhje me një sëmundje të ngjashme që e ka ndjekur deri në moshën 17-vjeçare. Përveç dhembjes fizike në shpinë, Driloni përmendi edhe sfidat e përballjes me ngacmimet nga njerëzit, të cilat e kanë thelluar akoma më shumë vuajtjen e tij.
“Kur kam qenë i vogël deri në 17 vjeç e kam pasur ekzakt të njëjtën sëmundje. Kur ia kam parë fotografitë në rrëfim e kam ditur saktë se çka do të dalë. Kur isha në shkollë më vinte turp dhe vishja pulovra përmbi. Nga fillimi deri në fund e kemi historinë e njëjtë.
Njerëzit më ngacmonin e shpina më dhimbte, i kam rënë murit me shpinë që ta drejtoja, e vrisja veten duke dashur të drejtoja shpinën. Por, këtë temë nuk kam dashur ta flas pasi është shumë private, kam pasur shumë sfida të dhimbshme në jetë por nuk dua të flas për to këtu në shtëpi”, tha Driloni./Versus.al
