Vonesa e borxhit ka bërë që Kylian Mbappe të ngrejë padi ndaj ish-skuadrës së tij, Paris Saint Germain, në Ligue 1 dhe UEFA .
Sipas Le Monde super ylli francez që u largua nga Parisi për në Real Madrid këtë verë i është drejtuar komisionit për zgjidhjen e mosmarrëveshjeve të ligës franceze dhe UEFA-s, duke kërkuar shlyerjen e 55 milionë eurove që i detyrohen parisienët.
Kapiteni i kombëtares franceze kërkon këstin e fundit të bonusit të nënshkrimit të kontratës së tij të fundit me Parisin në shumën 36 milionë euro, si dhe pagesën e pagave për muajt prill, maj dhe qershor.
Paris Saint-Germain ende nuk është shprehur për këtë çështje, por nëse nuk shlyen borxhin ndaj ish-lojtarit të saj rrezikon të përjashtohet nga Champions League. Skenar ekstrem por real. /Versus.al
