Debati mbi përdorimin e sendeve personale brenda shtëpisë së Big Brother VIP Albania po merr përmasa gjithnjë e më të mëdha.
Pas deklaratave të forta të Ina Aderit, tani ka reaguar edhe ish-banorja Livia Lozi.
Përmes një postimi në rrjetet sociale, Livia ka publikuar foto krahasuese, ku pretendon se Brikena është shfaqur në ekran me veshje që i përkasin asaj dhe që nuk i janë kthyer kurrë.
Sipas Livias, përdorimi i sendeve të saj personale ka nisur që gjatë qëndrimit të saj në shtëpi dhe ka vazhduar edhe pas daljes nga gara.
“Gjërat e mia janë përdorur nga Brikena… dhe vazhdon të ndodhë edhe pasi unë kam dalë. Nuk m’i kanë dorëzuar dhe ajo i mban për vete,” shkruan Livia, duke theksuar rëndësinë e respektimit të kufijve dhe të sendeve personale.
Ky është rasti i dytë brenda pak ditësh ku një ish-konkurrente ngre akuza të ngjashme, duke shtuar dyshimet mbi atë që ndodh në garderobën e përbashkët të shtëpisë së famshme.
Deri tani, as Brikena dhe as produksioni i BBV nuk kanë dhënë ndonjë reagim zyrtar për situatën.
