Pas një shkëputjeje dyvjeçare nga ekrani, Arbana Osmani rikthehet sonte në televizion me një surprizë të veçantë. Moderatorja do të jetë pjesë e finales së X Factor Albania, ku do të bashkëmoderojë spektaklin me Alketa Vejsiun.
Lajmin e ka bërë të ditur Revista Class, duke konfirmuar se Arbana është e ftuara speciale e mbrëmjes. Ky bashkim është një ngjarje e rrallë, pasi të dyja moderatoret kanë ndërtuar karriera të suksesshme në televizione konkurrente – Arbana në Top Channel, ndërsa Alketa në Tv Klan.
Tashmë që Arbana nuk punon më në Top Channel, ajo duket më e hapur ndaj projekteve të reja televizive. Publiku mezi pret të shohë bashkëpunimin mes tyre, si do të funksionojë dinamika në ekran dhe nëse do të ketë ndonjë referencë apo koment nga Arbana për ish-televizionin e saj. /Versus.al/
