Granit Xhaka nuk ndalet. Ai është një nga ekspertët e goditjeve nga distanca, ku shumë herë ka gjetur rrjetën. Një gjë të tillë e bëri dhe këtë fundjavë, në fitoren me përmbysje të Leverkusen përballë Heidenheim me rezultatin 5-2.
Pas një asisti të dhënë për Palacios në minutën e 30’, mesfushori shqiptar ka tundur rrjetën në minutën e 82’, për të vulosur fitoren e “Aspirinave”.
Me një goditje me të majtën nga distanca, topi shkoi në trekëndëshin e portës, e pamundur për t’u kapur nga portieri.
Por më i bukur se goli ishte festimi, me Xhakën që vrapo për të marrë topin dhe e vendosi poshtë bluzës së tij, duke zbuluar se ai dhe partnerja e tij janë shumë shpejt në pritje të një fëmije.
Martesa e lumtur e Granitit dhe Leonitës është pasuar dhe me fëmijët që kanë lindur përkatësisht në 2019, në 2021 dhe "ardhja" e re në formacionin e familjes Xhaka pritet në 2025
