Është përshkruar si një zbulim që bëhet, një herë në jetë dhe që i jep Britanisë një pasqyrë unike në historinë e saj të pasur.
Një ekip me 7 detektorëve metalikë kanë zbuluar thesarin më të madh ndonjëherë të Britanisë së Madhe, pasi koleksioni i tyre u ble për një vlerë rekord prej 4.3 milionë stërlinash.
Gjetja ishte jashtëzakonisht e rrallë dhe daton 1000 vjet më parë. Thesari u zbulua në një fushë në zonën Cheë Valley në verilindje të Somerset, në janar 2019.
2,584 monedhat e argjendit përbëhen nga qindarkat e Mbretit Harold II, monedhat anglo-saksone të Anglisë dhe të Uilliam Pushtuesi, pas pushtimit norman të vitit 1066.
Pjesa më e madhe e monedhave u gjetën nga Adam Staples dhe Lisa Grace, të cilët besohet se janë bërë milionerë përmes shitjes.
Ndërkohë, pronari i tokës, identiteti i të cilit nuk bëhet i ditur, ka gjithashtu të drejtën e 50 për qind të të ardhurave që mund t’i ndryshojnë jetën, një vlerë marramendëse prej 2.15 milionë stërlinash.
Shumë prej monedhave janë në gjendje të shkëlqyeshme dhe ekspertët thonë se ato do të kishin qenë një shumë e konsiderueshme parash në atë kohë, dhe i përkisnin një personi të rëndësishëm dhe të pasur, i cili ndoshta i groposi për t’i ruajtur.
