Një ngjarje tronditëse ka ndodhur gjatë një turneu futbolli për fëmijë në Francë, ku një djalë 9-vjeçar përfundoi në spital pasi u dhunua brutalisht nga kundërshtarët e tij në fushë.
Incidenti ndodhi gjatë turneut për grupmoshat U10 dhe U11 në Vendée-les-Vieilles, në Pas-de-Calais. Sipas mediave franceze, gjithçka nisi pas tensioneve mes lojtarëve në fund të ndeshjes.
Presidenti i klubit Ossy-les-Mines, Julien Bory, deklaroi se pas fishkëllimës përfundimtare, një lojtar kundërshtar shtyu të miturin Mateo, i cili reagoi duke e shtyrë mbrapsht. Më pas, sipas tij, një tjetër lojtar e rrëzoi në tokë dhe pesë fëmijë të tjerë nisën ta godisnin me shqelma në kokë dhe në gjoks.
Imagine tu déposes ton petit de 9 ans à un tournoi de foot et tu le retrouves à l’hosto parce que des petites crapules l’ont roué de coups sur un terrain..
— Bleu Blanc Rouge ! ???????? (@LBleuBlancRouge) May 9, 2026
Quelle société de merde ! Ça me dégoûte !
Bon rétablissement à ce petit ! ✊???????? pic.twitter.com/gu9Eiwugye
9-vjeçari u transportua me urgjencë në spitalin e Lens, ndërsa ekipet e tjera të turneut formuan një korridor nderi gjatë largimit të tij nga fusha. Fatmirësisht, pas ndihmës mjekësore, ai doli pa pasoja serioze për jetën.
Klubi i tij ka paralajmëruar kallëzim zyrtar në Ligën Hauts-de-France dhe nuk ka ndërmend ta lërë pa pasoja incidentin, ndërsa familja e të miturit pritet të mbështetet edhe në rrugë ligjore.
“Është hera e parë që shohim diçka të tillë tek fëmijë kaq të vegjël”, u shpreh presidenti i klubit, duke ngritur shqetësimin për rritjen e dhunës në futbollin e moshave.
