Një incident i papritur ndodhi gjatë xhirimeve të vazhdimit të filmit “The Devil Wears Prada 2”, me protagoniste aktoren e njohur Anne Hathaway.
Gjatë një skene ku ajo dilte nga një ndërtesë dhe zbriste një shkallë, aktorja humbi ekuilibrin dhe u rrëzua në tokë. Ende nuk është e qartë nëse shkaku ishte thyerja e takës së këpucës para rënies apo nëse ajo u thye pas incidentit.
Megjithatë, Hathaway reagoi me qetësi dhe u ngrit menjëherë, duke i siguruar anëtarët e ekipit se ishte mirë. “Jam mirë,” tha ajo me një buzëqeshje, duke qetësuar stafin e pranishëm.
Për momentin nuk dihet nëse episodi ishte një aksident i vërtetë apo pjesë e skenarit të filmit.
Filmi i vitit 2006, “The Devil Wears Prada”, ishte bazuar në librin e Lauren Weisberger, ish-asistente e redaktores së njohur të Vogue, Anna Wintour, e cila kohët e fundit u largua pas 37 vitesh në detyrë.
Filmi pritet të dalë në kinema më 1 maj 2026. Kohët e fundit, paparacët kapën Hathaway gjatë xhirimeve të vazhdimit në rrugët e Nju Jorkut, duke veshur një kostum bardh e zi, përbërë nga pantallona dhe jelek, të kombinuar me çizme të gjata me taka të larta.
Përmes videove dhe fotove të publikuara në rrjetet sociale, fansat kanë mundësi të shohin për herë të parë një pamje të Andy Sachs dhe të marrin një ide nga ajo që pritet të shfaqet në film.
View this post on Instagram
