Detaje të reja kanë dalë në lidhje me vrasjen që ndodhi mbrëmjen e sotme në fshatin Abat të Shkodrës. Viktimë ka mbetur 61-vjeçari Piro Prroni, ndërsa autori i dyshuar është identifikuar si Ndoc Maçaj, i cili është ende në arrati.
Burimet bëjnë me dije se Maçaj dyshohet të jetë kushëri i Prronit, ndërsa konflikti mendohet të ketë nisur për shkak të pronësisë së një toke.
Sipas njoftimit të policisë së Shkodrës:
“Rreth orës 20:00, në fshatin Abat, Shalë, shtetasi N.M., në rrethana ende të paqarta, dyshohet se ka vrarë me armë zjarri shtetasin P.P., 61 vjeç. Shërbimet e Policisë janë nisur menjëherë për kapjen e autorit. Ndërkohë, është ngritur një grup i posaçëm hetimor për sqarimin e rrethanave dhe dokumentimin ligjor të ngjarjes.”
Policia vazhdon operacionet për të arrestuar autorin dhe për të zbardhur plotësisht motivet dhe dinamikën e ngjarjes. /Versus.al
