Një ish-oficere burgu në Britani është dënuar me 21 muaj burg për kryerje të akteve seksuale me një të burgosur. Siç raporton Independent, bëhet fjalë për 26-vjeçaren Katie Evans, nënë e një fëmije, të cilën gjyqtari që trajtonte çështjen e cilësoi si “të korruptuar”, duke pranuar megjithatë se ishte “manipuluar nga një kriminel” për t’u përfshirë në akte seksuale.
Evans, e cila thuhet se qau në bankën e të akuzuarve, filloi të punonte në burgje në moshën 21-vjeçare.
Ajo i tha gjykatës se zhvilloi një marrëdhënie të ngushtë me të burgosurin Daniel Brownlee, duke marrë pjesë në më shumë se 140 telefonata me të, duke transferuar para ndërmjet llogarive bankare në emër të tij dhe duke i siguruar atij informacion konfidencial të burgut.
Javën e kaluar, ish-oficerja tashmë 26-vjeçare e burgut pranoi se kishte një marrëdhënie "të ngushtë" me Brownlee, e cila përfshinte edhe akte seksuale - të cilat nuk u specifikuan.
Evans gjithashtu dyshohet se u mburr me një ish-oficere burgu se ajo kishte kryer seks oral me të burgosurin dhe e quajti veten "mbretëresha e tij".
Gjykatësi tha se dënimi 21-mujor duhet të ishte më i gjatë, por, "thjesht si një akt mëshirë", e zvogëloi atë për të marrë parasysh ndikimin që do të ketë në marrëdhënien e Evans me vajzën e saj të vogël dhe vështirësitë që ajo do të përballet në burg si ish-oficere.
