Ermal Meta bëhet baba. Kantautori i njohur me origjinë shqiptare, që jeton në Itali, njoftoi se ka lindur Fortuna Marie, fëmija i tij i parë. Meta ka publikuar një foto të duarve të tij, të vajzës së sapolindur dhe të partneres së tij Chiara Sturda.
View this post on Instagram
Muajt e fundit Ermal Meta kishte njoftuar se do të bëhej baba. Por këtë të mërkurë të 19 qershorit bashkë më foton kantautori ka publikuar dhe një dedikim i cili tregon lumturinë:
"Dora ime nuk ka qenë kurrë kaq e madhe, as zemra ime. 19.06.2024".
Në një intervistë për Vanity Fair muajin e kaluar, Ermal Meta deklaroi:
“Të vetmet frikëra që mund të ndjej janë të lidhura me botën në të cilën jetojmë. Për shkak se është një botë e paqëndrueshme, një botë e rrezikshme, ndodhin gjëra që janë shumë përtej të kuptuarit tonë. Dy luftëra janë duke u zhvilluar, njëra që prek Evropën në mënyrë shqetësuese, tjetra plot tmerr. Nuk e prisnim ardhjen e një fëmije. Herë pas here, me kalimin e viteve, e mendoja dhe thoja me vete “nëse do të kisha një fëmijë, në çfarë bote do ta sjellë? Në një botë krejtësisht të shëmtuar”. Më pas ndodhi dhe zbulimi i ardhjes së një foshnje dhe ishte shumë i bukur."
Dashuria mes artistit dhe Chiara Sturdà
Fortuna Marie është vajza e parë e artistit dhe Chiara Sturdà. Ermal Meta dhe partnerja e tij kanë vendosur ta jetojnë dashurinë e tyre në privatësi totale. Një zgjedhje e bërë në respekt të dëshirave të nënës së vajzës së saj, së cilës nuk i pëlqen të shfaqet: "Chiara nuk i pëlqen të shfaqet dhe unë e kam respektuar gjithmonë këtë zgjedhje të saj. Kam privilegjin e madh që mund të bëj muzikë, por jeta private është tjetër gjë”.
