I jepni shumë kohë marrëdhënies tuaj gjatë ditës? Tregoni vlerësim dhe mirënjohje për aktet e vogla të dashurisë, e lini celularin për të qenë prezent kur duhet, përpiqeni dhe luftoni për të qëndruar sa më mirë? Mirë për ju!
Por marrëdhëniet kanë nevojë për shumë punë dhe nëse doni të keni sukses duhet të jeni të kujdesshëm me fjalët që përdorni, thonë ekspertët. Në fund të fundit, dihet mirë se gjuha nuk ka kocka, por kocka thyen.
Në fakt, ekziston një fjalë e caktuar që madje mund të prishë përpjekjet tuaja në lidhje me lidhjen tuaj. Cila është ajo? "Duhet ".
“Shoh shumë çifte që kapen në kurthin “duhet”. Kjo vjen nga rregullat dhe kriteret e brendshme të çdo personi, të cilat bien ndesh me ato të personit tjetër në marrëdhënie ”, thotë këshilltari i marrëdhënieve Dr. Lauren Kuk.
E njëjta gjë vlen edhe për "nuk duhet". Merrni për shembull shprehjen: "Nuk duhet të shpenzoni kaq shumë kohë duke luajtur lojëra celulare" ose "Duhet të përpiqeni më shumë". Sepse kjo fjalë mund të jetë problematike
Sipas psikologut Dr. Jeffrey Bernstein, "duhet" ose "nuk duhet" krijojnë energji negative dhe me kalimin e kohës përfundojnë duke u bërë toksike për rrugën e çiftit së bashku.
“Kur njëri partner i thotë tjetrit çfarë duhet apo nuk duhet të bëjë, ata e vendosin veten në një pozicion pushteti dhe i dërgojnë mesazh tjetrit se janë superiorë”, shpjegon këshilltarja e marrëdhënieve. Mund të duket si diçka shumë e vogël dhe e parëndësishme, por përdorimi i shpeshtë i saj ul besimin në marrëdhënie dhe e lodh atë.
Çfarë mund të thuash në vend të saj?
Nëse jeni të shqetësuar për diçka që ka bërë partneri juaj, përpiquni të thoni "do të doja" ose "do të dëshiroja". Për shembull, në vend që të thoni, "Duhet të kuptosh se çfarë po të them", thoni, "Do të doja të përpiqeshe të më kuptoje më shumë", ose në vend të "Ti nuk duhet të ecësh kaq shpejt me makinë", thoni, "A mund ta ngasësh më ngadalë makinën, të lutem?"
Edhe kaq pak ndryshim për Dr. Bernstein, ndihmon në uljen e "gjakrave" mes çifteve: "Fokusimi në atë që po thoni, reduktimi i mendimeve që ju shkaktojnë emocione negative dhe tension, dhe ndryshimi i tyre do të përmirësojë shumë marrëdhënien tuaj dhe komunikimin me partnerin tuaj".
