“Përdhunim dhe dhunë seksuale” këto janë akuzat për Kylian Mbappé , i cili sipas gazetës suedeze Expressen është nën hetim në Suedi për krime të kryera në një qendër të Stokholmit, teksa kombëtarja franceze ishte e angazhuar në një ndeshje për Ligën e Kombeve .
Një tjetër gazetë suedeze, Aftonbladet, shkruan se ishte një grua që ka denoncuar rastin në polici duke vwnw gishtin tek sulmuesi i Real Madrit, Mbappe.
" Kjo nuk është një gjë e mirë për kombëtaren franceze. Lajmet po qarkullojnë kudo. Duhet të mbajmë distancën e nevojshme dhe të dallojmë të vërtetën nga e rreme. Është një klimë negative rreth Bluve, nuk do të flas për këtë, ai është në moshë për të ditur se si të komunikojë ”, ka komentuar lajmin trajneri francez, Didier Deschamps.
Ndërsa mëngjesin e sotëm prokurori i Stokholmit konfirmoi ekzistencën e një hetimi për përdhunim, por pa përmendur emrin e lojtarit, ndryshe nga gazeta, që ka përmendur Mbappe si të akuzuar.
Policia ka zbarkuar dje (14 tetor) në hotelin ku lojtari qëndronte për të mbledhur dëshmitë dhe çdo element material të dobishëm për hetimin.
Sipas Expressen, sulmuesi i Kombëtares, i cili nuk u thirr për ndeshjen në Stokholm për shkak se ishte në “ gjendje jo të mirë ”, konsiderohet “ arsyeshëm i dyshimtë ” në këtë çështje.
Kylian Mbappé bëri një vizitë të shkurtër në Suedi javën e kaluar. Pas dy ditësh qëndrimi në Stokholm, ai u largua nga vendi me një avion privat.
Në një postim në X, Mbappe pretendoi ky lajm ishte i rremë dhe vjen në mënyrë të “rastësishme” vetëm pak ditë përpara se ai të çojë në gjyq ish-klubin e tij, PSG, për shkak të detyrimeve të papaguara prej 55 milionë eurosh.
“LAJM I RREMË!!!!. Po bëhet kaq e parashikueshme, në prag të seancës, si rastësisht”, ka postuar Mbappé.
/Versus.al
