Ish-portieri legjendar gjerman, Jens Lehmann nuk ka kursyer kritikat për kombëtaren Gjermane pas eleminimit nga kampionati evropian që u mbajt në shtëpinë e tyre.
Objektivi i Lehmann, ishte sulmuesi Robert Andrich i cili kishte lyer flokët ngjyrë rozë.
“A ka ai çështje personaliteti dhe dëshiron të dallohet në këtë mënyrë? Do të më dukej shumë e çuditshme nëse do të isha shoku i tij i skuadrës. Ndoshta ai ndihet si një grua”, tha Lehmann për Andrich.
“Në ditët e sotme duhet të jesh shumë i kujdesshëm me të, duhet të jesh shumë tolerant, por shpresoj që UEFA të ndalojë ngjyrat e flokëve si kjo, sepse mund të shkaktojë konfuzion tek kundërshtarët dhe shokët e skuadrës”, shtoi Jens Lehmann.
Gjermania u eleminua nga Euro 2024 në ndeshjen çerekfinale kundër Spanjës ku u mund me rezultatin 2-1 në lojën që shkoi në kohë shtesë dhe zgjati 120 minuta në total. Pas ndeshjes pati shumë ankesa ndaj arbitrit për mohimin e një penalltie në favor të Gjermanisë. Versus.al
