Ish-banorja e shtëpisë së BBVA3, Sara Gjordeni festoi përvjetorin e saj të lindjes ditën e djeshme, ku urimet dhe surprizat e shumta nuk kanë munguar.
Ndër më të veçantat ishin ato të partnerit të saj, marrëdhënia e të cilëve i ka fillesat në shtëpinë e Big Brother.
Me anë të një postimi në rrjetin social Instagram, Sara tregoi se si Bardhi ia kishte mbushur dhomën me trëndafila të kuq, aksesorë, zemra dhe një unazë me gur të çmuar që nuk kishte si të mos binte në sy.
Por ajo që u vu re nga ndjekësit ishte urimi që motra e Bardhit bëri për kunatën e saj.
Afërdita Idrizi ka treguar se raporti mes tyre është shumë i mirë, ndonëse në fillim e ka gjykuar, por më pas i ka kërkuar falje.
Ajo shprehet se Sara është njeriu më i fortë që mund të ketë takuar ndonjëherë dhe e cilëson si gruan që ka bërë një ndryshim rrënjësor në familjen e tyre.
“Shumë urime për njeriun dhe femrën më të fortë që kam takuar! Shumë urime për vajzën që unë fillimisht gjykova dhe prap ajo më fali. Shumë urime për vajzën që nuk e deshën dhe prap ajo nuk u ndal me vepra të mira! Shumë urime për vajzën që e gjuajtën me gur por bamirësitë e saj nuk pushuan së rështuri njëra pas tjetrës!
Urime për gruan e fortë që je dhe e shfaqe më së miri! Urime për gruan që ndryshoi familjen tonë! Shumë urime për nënën që po më bën hallën më të lumtur në botë! Të dua njeriu më i gjykuar në shoqëri po ashtu dhe më i drejti! Të bëhesh 100 e u shtofshin vajzat si ty”, shkruan ajo.
Kur Sara dhe Bardhi qëndronin në shtëpinë e “Big Brother VIP”, aty ku nisën romancën e tyre, në një nga netët e spektaklit live, Afërdita hyri në shtëpi për të surprizuar Bardhin.
Ajo që ra në sy edhe asokohe ishte refuzimi i saj për të takuar Sarën, gjë që u përkthye si një mosaprovim i lidhjes së vëllait të saj.
Por siç duket tashmë gjërat janë më se në rregull brenda familjes dhe çifti është në pritje të fëmijës së tyre të parë.
/ Versus.al
