Klea Prenga, e reja 24 vjeçare që u dhunua brutalisht nga motrat Antonela dhe Mariela Berisha të shpallura në kërkim, ka reaguar sërish lidhur me ngjarjen e ndodhur në një lokal të Tiranës.
Në një shkrim të gjatë në rrjetin e saj social, 24 vjeçarja ka sqaruar raportin me partnerin e saj i cili sipas raportimeve thuhet të ketë qenë molla e sherrit që ka shkaktuar ngjarjen e rëndë.
Prenga shkruan se personi me të cilin ajo ka qenë në lidhje, nuk ka qenë i martuar por ka pasur një fëmijë nga marrëdhënia e mëparshme të cilën e kishte përfunduar para se të njihej me të.
“Marrëdhënia që ai kishte me ish-partneren e tij ishte e mbyllur shumë kohë më parë, dhe asnjë moment nga lidhja jonë nuk ka ndikuar në atë marrëdhënie. Unë nuk kam qene asnjëherë pjesë apo shkak i ndonjë konflikti apo mosmarrëveshjeje mes tij dhe ish-partneres së tij”, shkruan 24-vjeçarja.
Ajo ka kërkuar që të veprohet për të arrestuar dy motrat e shpallura në kërkim për dhunën ndaj saj ndërsa ka paralajmëruar se do e ndjekë çështjen edhe në shtete të tjera ku është rezidente. Ndërkohë, dy motrat Berisha nuk kanë bërë asnjë reagim prej shpalljes së tyre në kërkim. Dyshohet se janë ende brenda vendit pasi të dhënat e sistemit TIMS, tregojnë se nuk kanë udhëtuar jashtë Shqipërisë. Versus.al
