Aktorja Olta Gixhari e cila këtë sezon është angazhuar si opinioniste në edicionin e tretë të Big Brother Kosova 3 ka reaguar ndaj një postimi që opinionisti tjetër Milaim Zeka bëri në rrjetet sociale.
Postimi i bërë përmbante “shaka” me tone seksuale ndaj konkurrentes Lela, duke shkaktuar reagime të shumta në rrjet. Milaim Zeka i cili njihet për humorin e tij me tone seksuale, shkruante “Hapet televotimi” krahas fotos ku banorja Lela shfaqej e ulur në mënyrë të shkujdesur në shtëpi.
Kishte prej atyre që e morën si shaka, por edhe të tjerë që kritikuan ashpër Zekën. Një ndër ta ishte edhe opinionistja Olta Gixhari e cila e cilësoi postimin e Milaimit si “të turpshëm dhe të papranueshëm”.
“Është e neveritshme të shfrytëzosh situatën e një gruaje për të bërë humor të pavend, ndërkohë që ajo as nuk është në dijeni të kësaj. Kjo tregon mungesë respekti dhe integriteti,” shprehet Olta me vendosmëri, në një postim të gjatë në Instagram:
