MAGAZINË /

"Preka fundin", Kylian Mbappe zbulon cila ndeshje ishte pikë kthese për të tek Real Madrid

Shkruar nga Versus

"Preka fundin", Kylian Mbappe zbulon cila ndeshje ishte pikë

Sulmuesi i Real Madrid, Kylian Mbappe ka folur për formën e tij tek “galaktikët” e cila ka shënuar një përmirësim të ndjeshëm së fundmi.

Francezi shënoi dhe asistoi në ndeshjen e fundit të luajtur për këtë vit, teksa Real Madrid arriti të fitonte me rezultat 4:2 përballë Sevillas në Bernabeu.

Mbappe i dha fund vitit 2024 me 10 gola në kampionat pas një fillimi të dobët të karrierës në Madrid, ku pati disa lëndime dhe momente që ishin ndaj tij.

Përkundër këtyre pengesave, ai kishte marrë gjithmonë përkrahjen e bashkëlojtarëve të tij dhe Carlo Ancelottit, i cili e kishte paralajmëruar atë se periudha e tij e adaptimit ka marrë fund.

Ky qëndrim i Ancelottit ishte çelësi për Mbappen dhe për këtë francezi tha se dështimi e bëri më të fortë, duke përmendur penalltinë e humbur në disfatën e pësuar ndaj Athletic Bilbaos me rezultat 2-1 në udhëtim.

Që prej atëherë, Mbappe ka shënuar katër gola në katër ndeshje dhe 26-vjeçari beson se ajo ndeshje e bëri atë më të fortë.

“Ne po njihemi me njëri-tjetrin më mirë. Ardhja ime ndryshoi gjërat në skuadër. Unë ndihem mjaft mirë dhe ju mund ta shihni në fushë se ne e kuptojmë njëri-tjetrin më mirë”.

“Unë mund të bëjë më shumë. E di se kam më shumë për të dhuruar në këmbët e mia se sa jam duke e treguar tani, por siç kam thënë, jam përmirësuar në ndeshjet e fundit”.

“Ajo natë në Bilbao më bëri mirë mua, sepse arrita fundin. Më pas e kuptova se duhet të jap gjithçka për këtë fanellë, të luaj me personalitet”, përfundoi ai.

Poll
Më poshtë do të gjeni dhe kandidatët e Partisë Socialiste dhe Partisë Demokratike për të gjitha qarqet: