Këngëtari dhe ish-fituesi i BBVA2 Luiz Ejlli ka bërë me dije se ka surpriza për muajin që po vjen, ndonëse kishte parajamëruar edhe me herët.
Luizi me anë të një postimi në Instastory tregoi për 4 nga projektet e tij muzikore që i kishte finalizuar.
Këngëtari tha se me ardhjen e shtatorit vijnë edhe shirat e baladat.
Ai njoftoi gjithashtu se po vjen edhe një bashkëpunim me Teuta Selimin. Për këtë, ai ka falënderuar Fifin që i ka shkruar tekstin dhe ka bërë muzikën e këtij projekti.
“Me ardhjen e shtatorit, vijnë edhe shirat. Po në të njëjtën kohë vijnë edhe baladat, unë i kam të mbaruara mbi katër këngë”, u shpreh ai.
"Është një duet me Teuta Selimin, teksti Fifi, muzika 90 për qind Fifi 10 për qind unë”, shtoi ndër të tjera Luizi.
Luiz Ejlli vazhdon të jetë një nga artistët më të preferuar të momentit dhe spekulimet kanë nisur edhe për projektet televizive të tij, ku ndër të tjera thuhet se do ta shohim si producent apo moderator, por ende nuk ka asnjë reagim konfirmues.
/ Versus.al
