Tetori shënon muajin e parë të plotë të vjeshtës, si dhe fillimin e angazhimeve shkollore dhe kthimin ne normalitet të plotë nga pushimet. Dhe ndërsa jemi pothuajse në fund të tij, Tik Tok ka filluar tashmë një trend të ri se si ky muaj mund të ndryshojë humorin tonë dhe më shumë.
Shumë përdorues në të gjithë platformën po postojnë gjithnjë e më shumë video në lidhje me "teorinë e tetorit" dhe çfarë do të thotë ajo për pjesën tjetër të vitit. Sipas Chloe Van Berkel, një krijuese përmbajtjesh me afro 70 mijë ndjekës në TikTok, tetori është pothuajse si Viti i Ri. Muaji është në thelb fillimi i tremujorit të katërt të vitit, pasi ajo e përshkroi tetorin si një kohë reflektimi ku njerëzit shikojnë prapa në vitin e tyre për të parë se çfarë kanë arritur.
Për disa njerëz, "teoria e tetorit" shërben si një thirrje zgjimi për të bërë disa ndryshime përpara se të mbarojë viti. Një TikToker e quajtur Monica e përshkroi muajin si një kohë kur njerëzit "vendosin se çfarë gjërash duhet të vihen në lëvizje", siç është përkushtimi për një marrëdhënie të re ose fillimi i një pune të re.
“Është si kur je në buzë të një pike të lartë, të një shkëmbi, si të thuash, dhe po kërkon një shtytje për të ecur përpara”, tha ajo.
Van Berkel theksoi se sa shpejt priren të kalojnë muajt e fundit të vitit, pasi periudha pas Halloween (një festë që po e adoptojmë ngadalë në vendin tonë) fillon sezonin e festave të Krishtlindjeve.
“Kjo do të jetë koha kur njerëzit do të bëjnë shumë ndryshime të mëdha në jetën e tyre, do të marrin shumë vendime të rëndësishme të jetës dhe shumë ngjarje do të ndodhin për shumë njerëz të ndryshëm gjatë kësaj kohe”, tha ajo në videon e saj.
Për më tepër, tetori shënon fillimin e sezonit të prangave - një kohë kur njerëzit përpiqen të 'lidhin nyjën sentimenatale' para muajve të ftohtë të dimrit. Në fakt, ajo përshkruan periudhën gjatë muajve të vjeshtës dhe të dimrit kur beqarët e gjejnë veten duke kërkuar një lidhje serioze ose thjesht një lidhje që do të zgjasë gjatë dimrit.
“Njerëzit po kuptojnë se duan një person të veçantë me të cilin do të kalojnë pushimet”, shtoi TikTokerja. "Pra, ju patjetër do të shihni shumë çifte të reja rreth kësaj kohe."
" Teoria e Tetorit" jo vetëm që inkurajon njerëzit të përmirësojnë zakonet e tyre, por edhe mendimet e tyre rreth marrëdhënieve njerëzore. Në fakt, ajo tashmë është shumë e njohur, pasi shumë e kanë ndjekur.
Mijëra përdorues në TikTok kanë ndarë se janë dakord me "teorinë e tetorit", duke vënë në dukje se muaji ndihet si një rindezje shpirtërore edhe për ta.
“Tetori ndihet vërtet si fillimi i vitit”, tha një koment, ndërsa një person tjetër shpjegoi se ata e shohin vjeshtën ashtu siç e shohin të tjerët pranverën – si një kohë fillimesh dhe rritjesh të reja.
“Vjeshta është pranvera ime. Gjethet ndryshojnë dhe ajri bëhet i pastër. Fillon një vit i ri shkollor” , shkruajnë disa komente.
Megjithatë, nëse mendoni mirë, vjeshta mund të jetë padyshim një kohë e fillimeve të reja, pasi shumë tani po vendosin të ndryshojnë atë që nuk e kanë ndryshuar më parë, duke u përpjekur të arrijnë vitin e ri me ndyshime.
